Desire Eye 對手?Lenovo Vibe X2 Pro
Lenovo 今次發佈的自拍手機係外型上真係夠晒特別,除左用上金屬機身之外,最特別之處在於上一代的 VIBE X2 一樣用左三層式設計,除左金、藍、粉紅三隻色之外機側更加配上三隻顏色,例如藍色版就配上左紅白藍三層顏色。係硬件規格方面,Vibe X2 Pro 除左支援 4G LTE 外,亦用上 5.3 吋 FHD IPS 屏幕,處理器方面就用左支援 64 位元的 Qualcomm S615 1.5GHz 八核處理器搭配 2GB RAM 以及 32GB 內置容量。而相機方面,正如上面提到, Vibe X2 Pro 用上雙 1300 萬像素自動對焦鏡頭,而且主鏡頭有光學防手震功能。係電池方面就有 2410mAH ,以大芒 FHD 手機來講就可能未必夠用。最後, Vibe X2 Pro 估計會係 2015 年 4 月開賣,美國定價係 US$399 (大約港幣 $3093),不過會否係香港賣同正式售價係幾多就仍然未知。▲ 機側用上藍白紅三色咁襯,版主真心覺得幾有型
大電量憾華為 Mate 7 ? Lenovo P90
講完自拍神機 Vibe X2 Pro 就輪到另一部以大電量做主打的 P90 ,外型上雖然就未必夠 Vibe X2 Pro搶眼,但硬件規格並唔失禮。除左同 Vibe X2 Pro 一樣係 4G 手機外, P90 配備 5.5 吋 FHD IPS 屏幕比 Vibe X2 Pro 更大,處理器方面就用左 Intel Atom Z3560 1.83GHz 四核心處理器,搭配 2GB RAM 同埋 32GB 內置容量。相機方面亦都有 1300 萬像素主鏡頭 同埋 500 萬像素前鏡頭,電池方面就係早前提到的 4000mAH 。最後, P90 估計會係 2 月開賣,美國定價係 US$499 (大約港幣 $3869),但同 Vibe X2 Pro 一樣會否係香港賣同正式售價係幾多就仍然未知。
▲ P90 係外型上就比較普通,有黑色同白色可以選擇。
來源:Digtial Trends 、 androidcentral