對於版主黎講，一般情況底下女朋友問我借部電話黎睇，我都唔會拒絕，因為我覺得又唔係「身有屎」，駛乜怕俾女朋友睇啫? 不過有啲人可能會覺得，自己手機裡面有一啲好私密的內容，唔想俾另一半「檢查」亦都好合理。基本上男女拍拖一段時間之後，都難免會遇到呢種狀況。有時候對方可能只係想攞黎電話睇下你手機嘅某張相或者影片，但亦有可能另一半擔心你會同其他人搞曖昧，所以做個突擊「檢查」。
無錯，你可以話：「呢啲係我嘅私隱! 手機係我嘅，我中意俾你睇就俾，唔中意俾你睇就唔俾!」當然我相信呢啲只不過係大家的心底話，相信你都唔會咁直接同另一半咁講。不過如果你另一半問你攞電話，而你又太過堅決唔俾對方睇的話，分分鐘搞到嘈交啲似，到時真係唔知點收科。
所以今次版主想做個調查，為大家設下了幾個選擇，如果你另一半問你拎部電話黎睇，你會點揀：
A) 無咩所謂啦，你想睇咪睇飽佢囉!
B) Um...... 可能我手機入面裝左 thisav 或者其他限制級的內容，都係將佢 hide 左佢先穩陣啲!
C) 將手機上鎖，按情況決定俾唔俾對方睇。
D) 堅決唔俾! 就算我手機有無秘密，死都唔會俾你睇架喇!
唔知各位如果遇着呢種情境，你會揀邊個選擇呢? 是坦蕩面對? 抑或係誓死不從? 還是你有其他更有效的做法? 如果你有其他更有效的做法，不妨在下面留言同大家分享一下! 版主我個人覺得，兩個人喺埋一齊，係需要互相信任，所以我覺得好多野其實係無必要收埋收埋，佢想睇咪睇到夠囉! 所以我係會揀「A」，唔知大家又同唔同意呢? (首先你要有一個男/女朋友......
)