回顧返 2017 年，其實各廠商推出的手機，突破並不多，最多可能部部手機都變哂 18：9 高屏佔比屏幕，相機出到 F1.6 光圈...... 但，呢啲係網友想要嘅嘢嗎？有進步，是必需的，但版主更渴望見到的，是突破，是那種令人「嘩」一聲的衝動。2018，網友最希望在手機上實現甚麼黑科技呢？幾天馬行空都無所謂，一齊吹下啦！
從 2017 手機的趨勢來看，可以預見到今年的手機，屏幕會更加大，屏佔比更加高，影相會更加勁，可能去到 F1.5 光圈，DxOMark 分數達 110，用 S845 處理器，跑分超過 20 萬，音效可以媲美 DAP......等等。講完一大輪，其實版主自己都覺得好悶，咪又係全部都可以估得到嘅嘢？咁，其實似乎帶唔到俾我哋乜嘢驚喜。但，有無可能可以在手機上加入一些令人無咁容易估到嘅嘢，令到手機科技重新有吸引力呢？
以下呢幾樣，又有無邊樣係 2018 年你最想喺手機入面見到呢？討論下啦！
— 引入黑墨烯技術：多用途，除左可用在電池上，亦能引用在處理器芯片上，提升手機的運算速度
— 將手機儲存空間同雲端合併 + 整合（其實呢點曾經在 Nextbit Robin 手機上都出現過，但沒有一間廠商效法，會唔會將佢普及化的話，會令手機使用更方便呢？)
— 可屈曲屏幕：在出現過曲面屏、全面屏等手機設計後，會唔會未來的方向，係可以直澄將手機都可以隨意屈曲呢？用途可能未必好廣，但叫做幾特別下嘅......
— AI 人工智能：會唔會可以拉近人類同 AI 的距離，令到相互可以更流暢地「溝通」？
— 將手機同穿戴裝置結合，將手機畫面投射到手上，連手機都唔使再帶，有無咁嘅可能？
— 更人性化面部解鎖，就算放在桌面上，45 度對住手機，都一樣解到？
— 成部手機變成透明？
— 其他，Your Turn
當然，以上只係版主自己的天馬行空想法，網友其實可以再激啲架，你又會希望未來手機係點架呢？