主題:平過小米、OnePlus! 千八蚊買旗艦 Essential PH-1 開箱

  • 發表時間:2018-08-22 21:58 收錄檢舉
    本 YK 成日話,平時得閒早、午、晚各到 ePriceHK 官網打卡一次,隨時執到清倉優惠。今次都唔例外,早幾日版主一出文,《二千蚊唔駛,直送香港!三個原因必搶貨尾 Essential Phone》,光速掃貨入手,全新 Essential PH-1 連運費都係港幣 1800 元就到屋企。黎個賽後開箱先~

    平過小米、OnePlus! 千八蚊買旗艦 Essential PH-1 開箱

    開箱圖賞
    事先講明,今次本 YK 光速掃貨原因除了平之外,我「另一半」早幾日跌爆手機亦係誘因,買黎送比佢玩。所以開箱就真係開箱,唔會有乜跑分性能、電力續航測試之類。但我發現唔少網友都對 Essential PH-1 不太了解,只係知道佢係 Android 老豆作品 + 年度劈價王,可能因為香港無行貨,無幾多人知道呢部機,甚至玩過真機。其實版主次次出 Essential 減價文,都有網友問我係乜黎? 有無試玩過真機? 很遺憾,本 YK 之前只係在水貨鋪短暫玩過,今次終於「正式」玩真機!

    平過小米、OnePlus! 千八蚊買旗艦 Essential PH-1 開箱
    ▲ 星期一落單,星期三下午收貨,送住宅又無額外收費,DHL 真係良心企業。

    平過小米、OnePlus! 千八蚊買旗艦 Essential PH-1 開箱
    ▲ 包裝盒真係好醜樣,如果要我用一個阿拉伯數字黎形容,我會選擇「7」,分分鐘放係條街度都無人會留意,「隔離」山寨手機廠的包裝都好睇過佢!

    平過小米、OnePlus! 千八蚊買旗艦 Essential PH-1 開箱
    ▲ 值得稱讚係 PH-1 的封條開盒設計,確保係處子之身,並列明盒內有乜配件。 

    平過小米、OnePlus! 千八蚊買旗艦 Essential PH-1 開箱
    ▲ 開箱了!一機、一線、一火牛、一轉插,一說明書、一卡針,完。 

    平過小米、OnePlus! 千八蚊買旗艦 Essential PH-1 開箱
    ▲ PH-1 的火牛是我見過最有質感的,金屬外殼具備一定份量,揸落去絕對好過塑膠牛。

    平過小米、OnePlus! 千八蚊買旗艦 Essential PH-1 開箱
    ▲ 自然就唔係英規火牛,支持 5V/3A 和 9V/3A 兩種充電模式; 但要注意,火牛鏈接手機的線材,必須是 type-C 對 type-C,跟市面上絕大部分的都不同。

    平過小米、OnePlus! 千八蚊買旗艦 Essential PH-1 開箱
    ▲ 隨機附送的充電線兩端都是 type-C,如果你有 type-C 電腦接口就無問題,否則你又要自己另外購置一條良好的 type-C to type-A 線材。

    平過小米、OnePlus! 千八蚊買旗艦 Essential PH-1 開箱
    ▲ 取消了 3.5mm 耳機孔設計,PH-1 隨機附送一條 type-C to 3.5mm 耳機轉插線。值得稱讚係不論是轉插線 / 充電數據線,都採用其他廠少用的尼龍編織物料,增強耐用度及減低「線亂纏繞」的情況。

    平過小米、OnePlus! 千八蚊買旗艦 Essential PH-1 開箱
    ▲ 卡針,保養說明書,但去得「森林」買野,預左大部分都係無保養 / 需要自費寄送保養。


    真機登場!
    「估唔到真機咁正」,呢個係我第一個感覺。機身比想像中輕巧及細小,或許是得益於「無邊框屏幕」設計及機身重量分佈平均。PH-1 聲稱用上鈦合金打磨成機身,並配合陶瓷物料,加強機身整體抗扭曲能力,以及提高機背抗刮能力。鈦合金中框的硬度獲得外國媒體高度讚賞。

    平過小米、OnePlus! 千八蚊買旗艦 Essential PH-1 開箱
    ▲ 正面有 5.7 吋屏幕,無「凹額」但有美人尖,好彩唔係用味精 AMOLED 而係 IPS LCD,唔怕睇壞眼。

    平過小米、OnePlus! 千八蚊買旗艦 Essential PH-1 開箱
    ▲ 陶瓷物料製作出磨砂質感,本 YK 認為 PH-1 背部觸感勝過絕大部分旗艦機。

    平過小米、OnePlus! 千八蚊買旗艦 Essential PH-1 開箱
    ▲ 1300 萬像素雙鏡頭,黑白 + 彩色組合,在 f/1.8 大光圈加持下,卻因初期算法不成熟而飽受批評。經過多次軟件更新後,PH-1 的拍攝表現才勉強見到主流旗艦手機車尾燈;還有指紋感應器及多功能金屬觸點,但我不推薦加錢買任何配件,暫時未見過有人話唔後悔。

    平過小米、OnePlus! 千八蚊買旗艦 Essential PH-1 開箱
    ▲ 歐美流行的單 SIM 卡設計, Type-C 接口(無 3.5mm 耳機孔)和外放喇叭都位於機身底部。 

    平過小米、OnePlus! 千八蚊買旗艦 Essential PH-1 開箱
    ▲ 電源鍵及獨立音量鍵都在機身右側。

    平過小米、OnePlus! 千八蚊買旗艦 Essential PH-1 開箱
    ▲ 機頂有一個訊號指示燈,紅、黃、綠顯示充電狀態;前鏡頭 800 萬像素,但不支持自動對焦。

    平過小米、OnePlus! 千八蚊買旗艦 Essential PH-1 開箱
    ▲ 開機喇,但只係開一開比大家睇無邊框的程度。機身算細小,本 YK 一手揸得到。

    平過小米、OnePlus! 千八蚊買旗艦 Essential PH-1 開箱
    ▲ 唔似得某某廠咁,PH-1 的邊框看起來比官方圖更窄。上有「美人尖」,下有「闊下巴」,但係香港同人撞款機率會比較低,撞到的話可能都係讀者朋友。


    結論 :價錢無敵
    一部行高通 S835 處理器,4GB RAM + 128GB UFS2.1 ROM, 加上無邊框設計,配合堅固的鈦合金 + 陶瓷背,成套硬件 Package 配合「貼身」的系統升級, 肯定可以上 Android 9.0 Pie 版,聽到都已經覺得正。 但如果要做主力機,得 3040mAh 電、無得插記憶卡、有「美人尖」、拍攝表現一般、保養又麻煩,這些隱憂確實令人卻步。但全新無開封賣比你 1800 元港幣,呢個價錢買到 PH-1,重新將我推落火坑,肯定爽過買小米、OnePlus 啦!

    其實呢次如果你有 Citi 卡、或者做免費 Prime 會員,可以再平 10 蚊、15蚊美金。但下一次要唔知等幾時再減價,有可能係終極清貨 199 美金,有可能,但要慢慢等,有可能掛。BTW,聞說有人被 Cut 單,有無網友都成功搶到貨? 一齊分享下啦~
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁