用美圖秀秀或者 Photoshop 等軟件，都要花一輪工夫先可以將版主男扮女裝，不過用 Snapchat 最新推出的邪惡特效，一秒都唔使就已經攪掂。不時推出新特效的 Snapchat 最近又有新玩意，用戶只需對著鏡頭，系統就會馬上將囝囝變囡囡，自動波化好妝兼加上迷人長髮，全部實時進行兼毋須任何調校。用戶除了可以拍攝硬照，甚至可以拍片，相信你班朋友見到都未必認得。
▲ 登入 Snapchat 後，選擇呢個「紅唇」邪惡濾鏡，就可以將囝囝變成囡囡。話時話，究竟邊個打開心口咁性感？另一個「鬍鬚佬」濾鏡就令囡囡秒變囝囝，呢個擺出可愛單眼甫士嘅小鮮肉真身又係邊個？文末開估。
Snapchat
下載：iOS / Android售價：免費
▲ 開估！係馬國明同「娜姐」周秀娜，下次再見到靚女相有所行動之前，都係諗清楚先可以避免受騙！
最後，你又投咗票未！