香港 5G 爭霸戰! 中國移動香港 CMHK 或成大贏家

Wilson Li 2019-10-14 19:09 | 網絡消息
呢排社會事件太火熱,5G 頻譜投牌都無人理。但靜靜地,第一輪 5G 頻段,即 3.5Ghz 頻段,今日已順利完成。中國移動香港,出資三億,投得 3.5GHz 最多頻段,三大網絡商甘敗下風?

fb.jpg
 

中頻段 3.5GHz 5G 網絡黃金頻段

十月份香港政府舉行 5G 頻譜 (中頻段)拍賣,共三個頻段,今日是 3.5GHz。(早前香港推指出突高頻段 28GHz,但呢個頻段,不會單獨成網) 3.5GHz 頻段是十分重要,這段中頻段叫作黃金頻段,因為可以做到相對廣及入到屋嘅 5G 網絡覆蓋。事實上,歐洲及韓國已開 5G 台嘅網絡商,都會用呢個頻段。所以,呢個頻段,可以用❨不容有失❩去形容。

香港情況來講 3.5GHz 顏段共有 200MHz 提供。今次參予拍賣共有四間網絡商,都係現時係香港提供緊服務,包括香港電訊 HKT 旗下嘅 csl,數碼通,和記電話有限公司嘅 3 香港及中國移動香港 CMHK 。版主留意了頻譜拍賣好多年,200MHz 其實可以平均分給四間網絡商,即每間網絡商可分得 50MHz。以過往經驗,一直沒有網絡商會攞多,因為越多越錢多,無乜著數。但今次唔同了: 

001: 在過去出價唔會最勁嘅中國移動香港,打破以往最忍手嘅往績,今次一投三億,共得到 60MHz。

002:  csl 與數碼通每間出了 2 億 5 千 2百萬,每間投 50MHz 頻段。

003:  和記電訊香港旗下嘅 3 香港,只出了 2 億 2 百萬,只投得 40MHz。

004:  政府預計今次投得嘅 3.5GHz 頻段,可以係 2020 年 4 月可供使用,相信網絡商會用此頻段,提供 5G  初期嘅服務。

 

中國移動香港,今次出錢最多,頻段最多,成為 5G 頻譜競投 Winner 嗎

60MHz, 50MHz, 40MHz 之間嘅 5G 服務,在應用上有乜分別?  在 4G 與 5G 環境下,頻譜越多,可上客量更多,而最高上網速度都會更快。即係話,未來 5G 上網最高速度,會由中國移動香港提供。而 40MHz 可提供嘅上網速度,其實跟近年升級了嘅 4.5G 唔會有好顯著嘅改進,若果 5G 其中一個優點係上網速度嘅提升,得 40MHz 嘅  3 香港,係呢部份,其實唔會跟你用一部打通晒香港 4G 頻段,並支援最多頻段嘅載波聚合嘅 4.5G 手機上網,有好大嘅提升。係宣傳上,因為做唔到最高速,都會差人一皮。

但原來,中國移動香港雖然投得 60MHz 最多頻段,但原來唔係最靚。有業內人士跟版主表示,中國移動香港投得  A1 至 A6 段,其中 A1 段最麻煩,會極易受現存衛星訊號干擾,而今次分為咁多段頻段當中,數字越大,條頻最靚最唔受干擾。即係 3 香港頻段少,但條頻相比較靚,對 5G 訊號好壞有良好嘅影響。

Screenshot_20191014-192307_Chrome.jpg
▲  今次 3.5G 頻段競投共分為 20 段,每段 10MHz。數字越後的組別,最不易受現時衛星服務干擾。
 

仲有兩個 5G 頻段

留意番,今個月,仲有 3.3GHz (共 100Mhz) 及 4.9GHz  (共 100Mhz) 嘅 5G 頻譜拍賣。兩個頻段供應量總和,先至等於今次 3.5GHz 總和量。而前者 3.3GHz 更只可在室內,主要是港鐵內使用。而呢兩個頻段,要在 2020 第三季才能分配給網絡商,加上世界主流器材也未支援呢兩個頻段,相信要在 5G 網絡推出稍後一段時間,才可作補強作用。

5g02.jpg

▲ 2020 年四月後,香港網絡商 2G GSM / 3G WCDMA / 4G LTE 及 5G NR (未計 3G CDMA 及  mmWave 頻段) 頻譜分配表。可見中國移動香港,由以前 3G 年代最少頻譜,到今日與一向最多頻譜嘅 csl 平起平坐。而在 5G 部份,更擁有最多頻譜,成 5G 年代霸主,能否維持? 仲要看今個月還有兩輪嘅 3.3GHz 及 4.9GHz 競投結果。 
 

有關香港 5G 更多文章

香港有平價 5G 流動服務?!政府:更多 5G 頻段+更平嘅使用費
網絡商確認香港有 5G 結界!開網 100 萬人無得升級
政府還擊!香港 5G 發展唔係慢半拍!最快 2019 年 4 月有得用
香港 5G 結界有無解決?解構政府新 5G 頻譜政策

最新新聞