以下係我認為 2020 香港發生最令人印象深刻的事，次序不分先後：
001: 香港終於有 5G
講咗好耐，又有唔少爭議話香港 5G 係咪落後於人，最終去到今年 4 月，香港三間網絡商包括 csl.、3HK 以及 CMHK，都推出咗佢哋嘅 5G Plan，而 SmarTone 就比較遲先推出。現時 5G Plan 價錢最便宜嘅，都係 CMHK，最平 $200 唔使有體驗價，唔知網友又升級咗未呢？002: 八達通加入 Apple Pay
三星之前獨家用到 Smart Octopus 已經好耐，去到今年個獨家期限完咗，終於輪到 iPHone 用家都可以透過 Apple Pay 用八達通，而且唔止係手機，就連 Apple Watch 手錶都用得。003: PS5 推出
遊戲界都係 Tech 嘅一部分，而今年比較令機迷觸目嘅，係 PS5 推出，雖然成日笑佢似 Router，但當正式推出時，依然有唔少人搶購，但供不應求，所以一直都有炒價。但明明咁少貨，唔知點解見到咁多 KOL 一人一部機，講句多謝 Sony 呢?
004: Apple 推出自家晶片 MacBook
Apple 今年終於擺脫 Intel，推出自家處理器 M1，價錢一樣，都效能勁咗好多，呢點令買咗 2020 MacBook Air 不久嘅版主後悔不已。(P.S. 唔知點解用緊 2020 MacBook Air，但覺得簡單做 Photoshop 嘢都好似好慢咁......喊出來)
005: 華為賣盤
為咗集中處理主力業務，華為喺今年 11 月中就宣佈，將旗下 Honor 品牌賣出去，不再持有任何 Honor 嘅股份。呢單 News 都算係幾突發性吧?006: 香港痛失一個老牌科技網站
眾所周知，香港有幾間算係知名嘅科技網站，當然 ePrice 會係其中之一，但令人心痛的是，唔知係政治環境因素影響，定係疫情影響，令一間老字號科技網站默然退出。不過大家放心，呢個網站嘅員工，已經分別搵到佢哋新嘅歸宿，就請大家祝福下佢哋啦~最後，以上呢幾單料，又有無邊樣令你覺得興奮，有無邊樣令你痛心疾首呢？留言討論一下吧!