用 App 派利是!八達通送你高達 $118

左定坤 (Cho Ting Kwan) 2021-02-03 17:03 | 網絡消息
就快農曆新年,又要準備好錢派利是,不過無啦,今年疫情應該都好難去好多地方拜年,最多咪淨係去返自己親戚度拜年~ 所以理論上都唔使準備太多利是,就算真係想派利是,用電子支付方式派,一樣得。八達通為鼓勵你用 app 派利是,所以用金錢「誘惑」你,派利是又錢收返喎,你又會唔會用 app 嚟派呢? 睇下文啦!

FB.jpg

八達通公司今日發出新聞稿,宣佈由 2 月 12 日 (大年初一) 至 3 月 12 日 (年廿九) 期間,推出八達通銀包「e利是」功能,讓用戶可以派發及接收「e利是」,話可以疫情下減低接觸病毒嘅機會,同時可以省免使用利是封以及換新鈔喎。家長亦可以代收小朋友利是,透過八達通銀包直接嘟入小朋友八達通卡,令未能親身拜年嘅小朋友可遙距逗「e利是」。

為鼓勵用戶使用「e利是」,首 20000 名已設立轉數快銀行自動轉賬嘅八達通銀包用戶,如成功派發「e利是」畀 20 個用戶累計 $300,就可獲 $38「e利是」獎賞; 成功派發畀 40 位用戶累計 $600,則可獲 $88「e利是獎賞」。另外,新設立轉數快銀行自動轉賬嘅八達通銀包用戶,仲可獲 $30 迎新「e利是」,最高送你 $118。網友又會唔會用八達通 app 嚟派利是呢? 留言討論下啦!

最新新聞