覆蓋測試點樣做
唔理 2G、3G、4G 定係 5G，要試覆蓋都係用以下嘅方法，係一個專業嘅方法。業內喺有專業量度電訊頻率嘅儀器，去到 2021 嘅今日，已經可以好簡單咁，放喺一架私家車款嘅「工程車」裡面，駁一部手提電腦就可以做到。呢架有儀器嘅工程車，會全港四圍去，而車裡面嘅儀器，只係做一件事：「掃訊號」。要知道，香港四間手機網絡商，所用嘅 2,3,4,5G 訊號，都有佢哋嘅指定頻率，呢嗰量度電訊頻率嘅儀器，就可以一次過紀錄唔同頻率嘅強弱。只要對應返唔同網絡商採用嘅頻段範圍，就可以簡單估算，四大網絡商，係某個地方，有無 5G 訊號。有訊號嘅話，係強定係弱。
▲ 呢架就係「工程車」，其實係一架七人私家車。
有乜好，有乜唔好
呢個用工程車配合相關儀器「掃訊號」嘅方法，好處係方便 （專業儀器硬件成本上十萬，所以我話各大媒體包括 ePrice 係無可能用自己能力做得到 )，花一日時間行晒全香港道路就得。係呀，道路呀，所以只可以知道戶外嘅覆蓋，室內係無辦法測到。此外，連手機、SIM 卡都唔駛，因為只係測試有乜頻率，喺空氣中存在，加陣香港有四間網絡商，若果咁痴線，未來有 10 間，其實都係咁樣測，唔駛再花更多時間。有乜唔好？就係無得試「質量」。一個網絡好定差，唔係有訊號就夠，呢部份，大家都明。唔少網絡商，係有訊號都係「 load 空氣」。但無訊號，就乜都唔駛講。所以，今次工程車「掃訊號」測試，的確有其可取之處。
▲ 車入面放住嘅器材唔係幾部手機咁簡單，其實有一套量度儀器，業界人士一定知係乜。佢係一套專門用作訊號路測嘅儀器。工程車一路行就一路記錄低接收訊號嘅強弱，以及對應 GPS 定位嘅準確位置，係一個專業嘅網絡測量方法。
▲ 天線放喺車頂。
▲ 「掃訊號」唔係只係測到有定無咁簡單，仲可以測到強定弱。有留意 ePrice 嘅收費頻道 Patreon，我喺上年八月開始已經開文講咗點樣係手機睇訊號強弱，想知嘅，大家課金就得。今次講嘅係，工程車「掃訊號」會以 RSRP 顯示訊號強弱。而呢個訊號強弱係以 dBm 為單位。而相關軟件，會一次過 Show 晒天空有嘅訊號，並即時出到 report。
訊號強弱定義
不同網絡商，對訊號強弱定義都有唔同，SmarTone 嘅 5G 覆蓋定義為訊號接收強度不小於 -95dBm，但係中國移動香港就係 -110dBM (佢哋網站嘅 5G 覆蓋圖有寫晒出嚟架，公開資料嚟)。dBM 值負得越細，代表訊號越強。SmarTone 定義有 5G 覆蓋要求，比起中國移動香港都要高。不過，以版主嘅實測使用體驗，去到 -106dBM 左右，其實都會「上到網」，只係上網速度，唔會有你想像嘅 5G 咁快。
▲ 一部普通嘅 Andriod 手機，都可以透過 App 睇到訊號強弱，呢個例子上，有兩個 RSRP 數值，對應 5G NSA 嘅數值為 -87dBM，代表 5G 訊號嘅強度。-87dBM 叫中上嘅成績，訊號叫強。
行咗全日，我哋先睇睇全港嘅結果
n78 (3.5GHz) 5G 黃金頻譜
• SmarTone：覆蓋港島、九龍、少部份新界東及新界西地區
• csl：覆蓋港島、九龍、少部份新界東及新界西地區
• 3 香港：覆蓋港島、九龍、新界西、大圍、沙田、粉嶺及上水等新界地區
• 中國移動香港：覆蓋港島、九龍、新界西、大圍、沙田、粉嶺及上水等新界地區
數碼通 5G n78 覆蓋
csl 5G n78 覆蓋
3HK 5G n78 覆蓋
CMHK 5G n78 覆蓋n1 (2.1GHz)
• 中國移動香港：覆蓋集中新界東、新界北及港島南區好細嘅地區
• csl：覆蓋港、九、新界大部份地區
• SmarTone：覆蓋港、九、新界大部份地區
• 3 香港：覆蓋港、九、新界大部份地區
CMHK 5G n1 覆蓋
csl 5G n1 覆蓋
數碼通 5G n1 覆蓋
3HK 5G n1 覆蓋只談訊號，四間網絡商邊間最強
睇圖比較，5G 黃金頻譜 n78 頻段，3 香港同埋中國移動香港嘅覆蓋比較好。至於強調做到大範圍覆蓋兼可以快手做到廣泛覆蓋嘅 n1 頻段，SmarTone、csl. 同 3 香港都幾全面，當中 SmarTone 同 3 香港更加係叮噹馬頭，而中國移動香港就要繼續努力喇。貼地實測
跟住工程車實測，感覺原來覆蓋比較，可以咁簡單造出來 (當然要幾十萬買器材，仲要有車)，但係準唔準呢？係工程車四圍去嘅時間，我都有用手機 Check 一 Check。其實，任何一部支援 5G 嘅 Android 都手機，都可以安裝 Network Monster 呢個 App，就可以睇到嗰陣收到訊號嘅 RSRP 值。以下就係幾個地點，用 Samsung 5G 手機，去查一下訊號。留意嘅係，分唔到 n1 定 n78 覆蓋，總之就係 5G 覆蓋。
CMHK 5G 訊號
csl 5G 訊號
SmarTone 5G 訊號
3HK 5G 訊號
柴灣運動場對出停車場
3HK 5G 訊號
CMHK 5G 訊號
csl 5G 訊號
數碼通 5G 訊號
新蒲崗 Mikiki 商場對出
3HK 5G 訊號
CMHK 5G 訊號
csl 5G 訊號
數碼通 5G 訊號
佐敦渡船角對出
3HK 5G 訊號
CMHK 5G 訊號
csl 5G 訊號
數碼通 5G 訊號大家可以參考當中 5G NSA SS RSRP 值。數字越低，訊號越強。其實，只要數字唔高過 -100dbm 上網速度都可以好快。而若有 -80dbm 以下，而又係 n78 覆蓋範圍內，大家想像 5G 可以去幾百Mbps 下載速度就好大機會實現得到。睇咗之後，大家覺得邊一個台訊號最強呢？