▲ 聲音解說
001: 海港城、時代廣場領 $800
在 2021 年 9 月 5 日之前，海港城及時代廣場會與 AlipayHK、WeChat Pay HK 以及 Tap & Go「拍住賞」推出消費劵登記獎賞，只要已經用上述三個電子支付平台領取政府電子消費劵，唔使任何消費都可以分別到海港城以及時代廣場，免費換領 $400 購物優惠劵，每個商場 $400，加起來就 $800。呢個優惠身邊識唔少人都拎咗，算係一個比較吸引抵玩嘅優惠。002: 大舖買電器去豐澤會抵啲？
如果你有打算買電器嘅話呢，我暫時就咁睇，就豐澤比較着眼喺消費券優惠多啲，其他都好似無乜點特別提優惠，或者話到時會再公佈。豐澤淨係接受 Tap & Go、八達通以及 AliPay HK，WeChat Pay HK 就唔受玩，而呢三個支付平台之中，我覺得 AliPay HK 同 Tap & Go 喺豐澤都會有較多優惠，而留意一下，如果你用 Tap & Go 去豐澤買嘢，將啲錢過返去銀聯會比較抵啲，因為銀聯主要有三個優惠，包括：i. 用雲閃付 App 配銀聯卡支付，滿 $2000 減 $50，不過呢個優惠就唔包括 Apple 產品或者家庭娛樂產品呢類產品。
ii. 另外如果你用綁定咗消費券計劃嘅 Tap & Go 銀聯卡透過雲閃付 App 或者 Apple Pay 消費滿 $50 又可以享一次性 $50 回贈。
iii. 同時，你仲可以享用埋雲閃付 App 消費金額嘅 5% 獎賞，全期最高獎賞高達 $250。就係咁。
003: 指定領展商場或街市消費滿 $500 送米
仲有一個優惠我個人都覺得幾值得留意下嘅，就係如果你用四大電子支付平台，去領展指定嘅商場同埋街市單次消費滿 $500，就會送一包一公斤金鳳香米，每日最多換一包，當然佢有限量，好似有二萬幾包，派完就無。但呢個消息，對於師奶仔家庭主婦嚟講，又好似都幾唔錯，反正都要買餸，仲送多包1 公斤米，先唔好理 1 公斤係多定少先，我上網 check 返大約就煮到 14 碗飯左右，咁呢度都又慳唔少，每日買多定多啲餸，又多一包米，呢個對於無乜嘢想買嘅人嚟講，都係幾吸引。004: Tap & Go / AliPay HK 去 Openrice 消費 每星期減 $100
假如你是 Tap & Go 的用戶，即日起至 9 月 30 日，在 OpenRice 購買餐飲券，購買 $400 減 $60，每星期可享一次 (由星期五起計至星期四)。而如果逢星期三、五在 OpenRice 外賣自取，買滿 $80 自動扣減 $20，每日可享一次優惠，一星期最多可享 $40 優惠。至於如果你是 AliPay HK 的用戶，AliPay HK 新用戶在 OpenRice 完成首個交易滿 $40 減 $20，再送 3 張 $10 禮券，滿 $20 或以上就可使用。而如果於 AliPay HK App 內的 OpenRice 小程式購買餐飲劵、以 OpenRice Pay 堂食結賬或下單外賣自取單一淨額滿 $200 即減 $30。
005: Staycation 之選
講到 Staycation 之選，不得不提嘅係 Klook，支持 Tap & Go、AliPay HK 以及 WeChat Pay HK，不過當中可能 Alipay HK 會優惠較多，由即日起至 2022 年 2 月 28 日，購買 Klook 香港活動滿 $2000，並輸入優惠碼「KLKALIPAY100」，即減 $100；而購買 Klook 香港 Staycation 活動並輸入優惠碼「KLKALIPAY8」，則可以享 92 折優惠，最高折扣額 $400。按呢度: $5000 電子消費劵攻略