有入到一啲 MeWe Group,睇過啲網民討論,成日大家都講笑咁講話,MeWe 好憎 Apple,所以好多時 Android 版有嘅嘢,iOS 都無,例如 Group 想 reply 某個 comment,Android 有得 reply,但 iPhone 用家就無得用,好慘。而今次推出中文版 MeWe App,以為都係 Android 優先?估佢唔到,今次反而係由 iOS 優先推出,版主試過自己個 MeWe account,都已經變埋中文版。
咁點先可以變到中文版呢?好簡單,只需要符合兩個條件:
001: 將 iOS MeWe App 更新至最新版本。
有網友 Update 原來可以咁樣改:
002: 打開 iPhone 設定,搵返 MeWe,撳「偏好語言」,然後就可以揀返「繁體中文」。
不過,其實要登入電腦版先轉到語言都幾麻煩,建議 MeWe 應該喺 App 版設定入面,新增語言選項,直接喺 App 度轉語言,咁就可以更加方便。當然,而家有,就暫時袋住先啦,都係好事嚟。網友又點睇呢?