香港搭車地圖 ( beta ) 係一個點到點路線搜尋,包括巴士、地鐵、電車等香港交通轉乘路線。用戶可以透過 GPS 、網絡定位或地圖作起點定位,然後選擇目的地,軟件就會提供交通轉乘方法,所需時間和交通費用。測試由筆者西環的家到九龍公園,軟件就提供超過 20 種不同的轉乘方法,當中有直接搭巴士、小巴轉港鐵、巴士轉港鐵、電車轉港鐵等。
先選擇起點,軟件提供 GPS 、網絡定位或地圖三種方法,用戶如在深宵使用,可選深夜路線。
再選擇好目的地,筆者於地圖輸入「九龍公園」,再按「 Search 」。
起點、目的地都選定後,按「搜尋」,包括所需時間、車資、轉乘路線的結果就會整齊列出。
用戶選定轉乘路線,可以查看詳細路線,如果對地區毫無概念,軟件還提供地圖和街境圖。
有了街境圖和地圖,就算去了陌生地方都唔怕搵唔到車站。
軟件提供了上車、下車的地圖和街境圖,就連乘搭港鐵往哪月台都照顧周到;配合夜歸人士,軟件更可以選深夜路線,深宵回家都冇問題。功能實用,介面設計簡單又易用,無廣告,仲要免費,難怪於 Android Market 有咁多 fans 支持!