仲有一星期左右就到中秋,不少打工仔都考慮請一、兩天假,過一個 long week end ,出外度假。電訊商現在都提供按日收費的全日任用漫遊數據計劃,就算帶埋 Android 手機,邊行邊上網也唔需要擔心漫遊收費爆錶!今次介紹 3 款 Android 軟件,對唔想自由行,放假旅行只想放輕鬆唔用腦的朋友,特別有用。
2pick 幫手 格盡旅行團價格
跟團去旅行,好處就係行程食宿都安排妥當,只需按時出現,俾團費貼士就可以,唔需要傷腦筋;但選擇幫襯邊間旅行社,就偏偏最花精神,每個團的團費、行程、 出發日期時間都有分別,要行勻咁多間旅行社搜集資料,認真辛苦。
跟團去旅行,好處就係行程食宿都安排妥當,只需按時出現,俾團費貼士就可以,唔需要傷腦筋;但選擇幫襯邊間旅行社,就偏偏最花精神,每個團的團費、行程、 出發日期時間都有分別,要行勻咁多間旅行社搜集資料,認真辛苦。
2pick 係一個格價軟件,提供不同旅行社的旅行團資料,用戶可以心儀的目的地作選擇條件,以筆者撰文當日為例,去最近大熱的沖繩就有 8 間旅行社,共 34 個團的資料提供。用戶亦可以價錢或以關鍵字揀團,更可以打電話即時查詢 book 團。
用 Packing List 唔怕執漏行李
團已 book 妥,接著傷腦筋的就係執行李,最怕明明係陽光海灘但忘記帶泳褲,要去玩浮潛又帶漏防水相機殼,去到當地先買,浪費金錢事少,掃興兼拖慢行程進度事大,為免 掛一漏萬,可考慮安裝「 Packing List 」軟件,裡面按種類預設了多項目品清單,方便用戶執行李,如果有其他物品或種類需要額外加入,軟件亦容許新增物件,甚具彈性。建立好清單後,用戶亦可以透過電郵,發送清單給其他同行旅伴,互相提醒。
另類旅行攝影玩法 - LifeView
另類旅行攝影玩法 - LifeView
現在 DSLR 數碼相機越來越輕巧,更可以拍攝高清短片,一般「正路」旅行相片就交數碼相機負責, Android 手機則可自創另類玩法。安裝「 LifeView 」軟件,用戶可設定時間,手機自動進行拍攝,並配合 GPS 記錄拍攝的地點。在治安良好的地方,可以將手機掛在胸口,甚至放在一個透明防水袋,然後掛在背囊,就會隨著行程拍下一些隨意的影像,可能有意外收鑊!
LifeView 可以在螢幕關閉下運作,減少電力的消耗。用戶可設定拍攝時間的間隔和相片的像素。
以 LifeView 拍攝的相片可記錄地理位置,可惜軟件有 Bug ,按 Map 時地圖不能正常顯示。但利用 Been There 軟件也可以達到同樣目的,詳情可參閱前文。
這相片內的小圖均以 LifeView 攝下,是筆者早前由西環到九龍城途中的點滴。
LifeView 可以在螢幕關閉下運作,減少電力的消耗。用戶可設定拍攝時間的間隔和相片的像素。
以 LifeView 拍攝的相片可記錄地理位置,可惜軟件有 Bug ,按 Map 時地圖不能正常顯示。但利用 Been There 軟件也可以達到同樣目的,詳情可參閱前文。
這相片內的小圖均以 LifeView 攝下,是筆者早前由西環到九龍城途中的點滴。
有關旅行的軟件有好多都未有機會介紹,留待稍後再同大家推介,如果有任何旅行有關的 Android 軟件想問,或者有好軟件推介,歡迎留言交流。