石先生每年用 OnePlus 5 最擔心嘅都係保護殼及保護貼。雖然官方有出唔同材質嘅保護殼，但始終個啲都係得個睇字，保護唔到部機，跌一野已經心痛，所以每次都等 Rhino Shield 保護殼出 OnePlus 5 版本。
來到開學日，Rhino Sheild 香港代理終於正式推出 OnePlus 5 版本嘅保護殼，真係可喜可賀。對石先生呢啲成日跌機嘅真係極重要嘅消息，到手梗係即刻裝上去用啦保平安啦！ 
今次石先生買嘅係 OnePlus 5 Rhino Shield 保護殼連正面貼套裝，售價係 HK$368，一套包括左邊黃色嘅保護貼及右邊白色嘅保護殼。
因為 Rhino Shield 個包裝都係一樣，所以上面呢張貼紙寫住 OnePlus 5 好重要，咁就唔會錯啦！
防衝擊保護貼方面也都一樣，係寫住 OnePlus 5。
用保護殼前，梗係整左保護貼先，包裝後面拉開封條就可以向下拉個保護貼出來。雖然佢有個 QR Code 叫你上網睇教學，但 Rhino Shield 啲貼咁易搞真係唔駛睇。
保護貼包裝入面有四寶，包括保護貼、一塊抹塵布、一塊硬卡及一張 Rhino Shield 小貼紙。
OnePlus 5 本身都好易貼，只要對準上面兩個開孔，即係前鏡及喇叭位就得。
至於保護殼一樣簡單，打開包裝左下角個個「OPEN HERE」，直接就係一體化嘅 Rhino Shield 保護殼。就咁外面睇會以為個殼好厚，但原來新包裝加左一層發泡膠保護個殼以免運送期間有咩損傷，真係貼心。
Rhino Shield 保護殼裝嘅方向有一個特別，就係入嘅時候要正面入，先頭後尾，拿番出來也都一樣係先頭後尾，如果調番轉係入唔到嘅，而包裝上其實有寫。
貼左保護貼，再加保護殼嘅 OnePlus 5 就係咁啦！今次個殼比上代仲要薄，手感更好。
雖然薄左，但 Rhino Shield 都有保持佢最用心嘅設計，就係保護殼嘅頂部有特登高少少突出來，等你可以摸番部機嘅金屬機背外，呢個頂端也可以係你唔小心跌機嘅時候保護番個後鏡頭。
至於前面也都係一樣，你可以見到佢都有稍稍比屏幕高少少，如果不幸正面跌，除左保護貼外，殼都可以吸收到一定嘅衝擊力。
作為 OnePlus 5 嘅用家，最重要嘅係三段式模式開關，而 Rhino Shield 也都有特別做番出來，有番個制係到，可以直接啪啪啪，而且個制係做左係個殼入面，唔駛裝，唔怕跌，正過就咁開孔好多。
如果你都有用 OnePlus 5，想要個真係有保護能力嘅保護殼要揀呢個 Rhino Shield 啦，始終佢地啲殼可以做到 5 米防跌，真係好堅。搵左一搵，除左街舖有售外，呢個網都有得賣：https://anlander.com/