【電腦節 2021】一文即睇各品牌 SD 卡 / USB 賣價！呢日去或者係好時機？

左定坤 (Cho Ting Kwan) 2021-08-20 21:16 | 手機配件

香港電腦通訊節 2021 （簡稱「電腦節」），今日正式開始，而每年其中一樣最多人會關注嘅產品，相信應該係 SD 卡。不過，同以往一樣，電腦節未開始，就算尋日我哋去過傳媒導覽，都未必影到價錢，因為通常都係當日先會有價錢。而今日因為喺電腦節會場有 ASUS ROG Phone 5s 系列嘅新機發佈，所以我哋趁機又再行一轉，影咗一啲關於 SD Card 嘅相畀大家睇。到底今年 SD 卡啲價係點呢？即刻同大家報個價啦！



不過啦，比較過今日場上 microSD 卡，似乎並唔係全部都好抵。點解咁講呢？因為比較過部份場內同埋某格價網嘅價錢，有啲唔係真係相差好遠，似乎都係差唔多嘅價錢。例如 Kingston Canvas Go! Plus A2 V30 MicroSD 記憶卡 128GB，格價網報細舖價為 $149-$175 左右，而場內賣價則為 $169。但如果睇埋 256GB，格價網報細舖價為 $289 - $299，而電腦節價錢就賣緊 $269，似乎就比起細舖價略平少少咁囉。

而再睇埋 SanDisk，Extreme Pro SD UHS-II (R:300 W:260) 32GB 出面細舖價賣緊 $349-$398 左右，但場內價卻賣 $409，就似乎唔係所有產品都係平過出面！乜電腦節唔係變咗散貨場咩？點解仲貴咗嘅？

咁 KIOXIA (前 Toshiba) 又如何？抽 Exceria Plus 嚟睇下，256GB 電腦節會場賣價 $500，而出面細舖賣價 $560，咁都係有平少少嘅。

不過，按照以往版主去電腦節嘅經驗，其實好多時去到星期日，SD 卡的價錢可能會稍為下調，所以如果星期日先去嘅話，可能有機會會可以平多少少。

最後，畀大家睇下今日現場嘅相啦：

Kingston

 

SanDisk

 

 Verbatim

 

KIOXIA

WD