Galaxy Note5 ／s6 Edge+ 試用感覺 有「中伏」的感覺

Wilson Li 2015-08-19 16:16 | Samsung

當 Samsung Galaxy Note 5 同 Galaxy S6 edge+ 發佈了不足 24 小時，我就有機會真機上手試，我都諗唔到會咁快有機會玩到，雖然我見到今次 Note 系列嘅升級真係唔係好多，但有呢個機會都係去玩下都好，始終都係快過唔少朋友有呢個機會。


▲ 首先去到現場，記者會都參加過唔到次，最搞笑嘅人 Samsung 香港董事總經理 JW Choi 黎講話，都知佢係一個韓國人，我都對佢嘅要求都唔會好高，不過佢我喺記者會到見到後面真係有好大張嘅「貓紙」，一路聽住佢個唔咸唔淡嘅英文，再睇下做張「貓紙」個感覺都唔錯。

記者會上面我都唔講啦，先講下拎起部機嘅個人感覺啦，而其他咩跑分、相機就可以睇下呢幾篇文

5.7 吋雙曲面芒 + 4GB RAM ！ Samsung S6 edge+ 上手試跑分
完勝 G4? 三星 Galaxy Note 5 跑分、屏幕、相機實測
Samsung Galaxy Note 5 / Galaxy S6 Edge Plus 上手！



▲ 對於兩部機黎講，我係覺得 Galaxy Note5 同 Galaxy 6 Edge+ 感覺就係兩部野都係同年頭嘅  Galaxy s6 同 Galaxy s6 edge 嘅放大版，如果俾我寫我真係會放個放大電筒用來做配圖。






▲睇下 Galaxy Note5 個機身先，就好似放大左嘅 Galaxy S6 咁，只係多左支筆咁。


▲ 但會場所展示嘅 Note5 同支筆就好似咁樣分開左，不過呢個都還好啦，我嗰日落去旺角嘅電訊商嘅門市就發現，佢地連筆都抽走埋，其實喺會場裹面玩機個體驗唔係咁好，例 Note5咁，今年note5 嘅支筆就好似我地平時用嗰D原子筆咁，可以禁個制彈下彈下咁，但係喺會場入面因為保安嘅原因分開左機同埋筆嘅擺放，搞到我都唔係好確實咁樣試到支筆拎出黎會有幾方便。

拎支筆玩下，其實 Note5 嘅存在價值只係有一支筆，如果無筆的話佢只係一部放大左嘅  Galaxy s6手機，所以今次重點都係用支筆，但喺會場試筆個感覺唔係幾好


▲基本上，支筆過往大家一拎就可以快速地抄寫 notes，而黎到今代 Note 5 做到只要你拎支筆出黎，就可以做到 off screen note，有時候需要快速抄筆記，相信 Note5 係一個好幫手。


▲ 我又玩下 s6 edge+，但係發現同呢個 s6 Edge 分別唔大，只係大左咁解。


▲不過佢預設左一個都幾貼心嘅功能，就係單手操作模式，可以方便用家單手揸住佢黎用，不過因為係新機嘅關係，我都係兩隻手揸得佢穩穩陣陣咁。

小結：沒有太多誠意，希望未來可以重設可插卡換電設計

講返試玩上手嘅感覺，兩部機黎講今次真係Note5係好上手D，個感覺係揸得舒服過 Galaxy s6 Edge+始終 Edge嘅設計雖然係有曲面嘅屏幕，但違反左人體工學，真係感覺麻麻。用左幾日Galaxy s6 edge+後，雖然有3000mAh電，但都係用左大半日都唔係好夠電用，意味著 Galaxy Note5 同s6 edge+ 都要預備一個「尿袋」，有失方便性。今代 Samsung 旗艦機設計都係用左一體式設計，令到失去左 Samsung 本來有的可插卡換電的優點，變得失去了其特色，有朋友認為今代的 Note5 正正因為沒有可換電的設計，打消了換機的念頭，甚至「轉會」投向其他廠商的懷抱。有傳 Note5 會有Exynos 7422＋4100mAh電版本，如果是屬實，小弟對呢個版本有期待，始終 Exynos 7422 是使用 Samsung 自家原生整合的行動模組，不是像現有的 Exynos 7420 使用 Qualcomm 行動模組，而4100mAh電更可以令到手機更為長氣。