到埗!最平 $2600 入手 三星低價雙鏡手機

左定坤 (Cho Ting Kwan) 2017-10-03 13:20 | Samsung
早前版主收到風,表示三星平價雙鏡手機 Galaxy C8,將會在 10 月抵港,但當時實際賣幾錢、確實上市日期,就未有消息,只知道一定唔使三千蚊,預計二千幾蚊左右。今日版主終於收到新聞稿,除左知道 C8 幾時有得賣之外,就連賣價亦呼之欲出!到底 C8 又值唔值呢個價錢呢?睇下文啦!

三星(Facebook).jpg

三星 Galaxy C8 有兩個版本,分別為 3GB / 32GB 以及 4GB / 64GB,前者建議零售價為 $2598,只有金色,而後者建議零售價則為 $2998,有黑、金、粉紅三色。兩個版本都會在 10 月 6 日正式上市,呢個價錢,你覺得貴唔貴呢?個人認為定價就高了一點,雖然說二千幾蚊可以玩到雙鏡手機,但最大的敗筆在於 C8 居然改用了 MTK U,似乎如果賣到呢個價錢,用返 C5 Pro / C7 Pro,會相對啱網友口味多點。

Galaxy C8.jpg

三星 Galaxy C8 採用了全金屬機身,用上了 5.5 吋 Super AMOLED 屏幕,配備了 MTK Helio P25 處理器,內置最高 4GB RAM 以及 64GB ROM。相機部份用上雙鏡頭設計,是三星首部採用 RGB 及單色模式的雙鏡手機,其中一個鏡頭有 1300 萬像素,F1.7 大光圈,而另一個則有 500 萬像素 F1.9 光圈。至於前鏡方面,C8 具有 1600 萬像素自拍鏡頭,光圈有 F1.9。另外,在旗艦手機用上的智能助手 Bixby 功能,亦都加入到 C8 上。

其實呢部 C8 用唔用 MTK U,對版主來說並不重要,反而比較在意的,是換上雙鏡頭之後,拍攝表現有沒有明顯改善。網友又會唔會對呢部手機有興趣呢?留言講下啦!

三星 Galaxy C8 (32GB) 在文章發表時,建議零售價為 $2598,按這裡有詳細規格及最新賣價
三星 Galaxy C8 (64GB) 在文章發表時,建議零售價為 $2998,按這裡有詳細規格及最新賣價

最新新聞