三星 Galaxy Note9 香港版用上暫時仲係最強的 Qualcomm Snapdragon 845 處理器，內置最高 8GB RAM 以及 512GB ROM，在效能部份相信是不容質疑，就算玩大家鍾意的食雞、傳說對決，都唔會有太大的問題。而續航能力應該是今次 Note9 其中一項最大的賣點，就係佢電池容量提升到 4000mAh，而早前版主虎仔分享過，Note9 的電池使用時間，在華為 P20 Pro、OnePlus 6、三星 Galaxy S9+ 以及 iPhone X 之中奪冠，係真唔係呀？都係自己測試多次，信自己測出來的數據。
而一般測試電池，版主是會用 Geekbench 4 這個跑分軟件，用佢測出來的數據作為一個參考指標。Geekbench 4 透過模擬固定輸出100% 工作負荷，由充滿電後至完全無電所需的時間，計算出手機電池的評分。當然，Geekbench 4 最後得出的分數，只是作一個參考，畢竟每個人用手機的用途都唔同，你打機我唔打機，使用時間也會出現很大的差異。
版主一拿到手機，就將 Note9 充電至 100%，再運行 Geekbench 4，經過約 8 小時 52 分鐘，得出的成績為 5320 分，成績比起有 5000 大電的 Moto E5 Plus 還要高近 2000 分 (根據我們做過 E5 Plus 的測試，成績只有 3429 分)，而再對比 LG G7+ ThinQ、HTC U12+ 的成績，可見其實有 4000mAh 大電，確實是有一定的優勢。先勿論是否慳電，其實 S845 係咪一粒慳電 U，大家都知道，但電大咗，可使用的時間亦會隨之增加，亦不失為一件好事。網友又對 Note9 呢個成績滿唔滿意呢？
P.S. 由於每部手機跑 Geekbench 4 所運行的「工作」都是一樣的，在同一個工作環境下得出的結果，分數愈高，代表手機電池可使用的時間愈長。
三星 Galaxy Note9 (6GB/128GB) 在文章發表時，建議零售價為 $7698，按這裡有詳細規格及最新賣價。
三星 Galaxy Note9 (8GB/512GB) 在文章發表時，建議零售價為 $9798，按這裡有詳細規格及最新賣價。