好多人覺得，iPhone XS / XS Max 定價太貴，有朋友表示，如果 Android 手機標呢個價，佢都還可以接受，因為知道至少 Android 機會有跌價空間，但 iPhone 無論佢標價幾多都好，賣價都很難有大幅度的下降。但唔好理，人哋 iPhone 賣咁貴，但銷量好似依舊不算差，果然，「果粉」普遍的財力是非常雄厚，再一次體現到社會的「貧富懸殊」...... (版主我就算有得減一半，都未必出得到手，悲哀
)拿不出成萬蚊出來買新 iPhone，那會否將 Target 放低點，考慮三星 Galaxy Note9 呢？有 6GB / 128GB 以及 8GB / 512GB 兩個版本，建議零售價分別為 $7698 和 $9798，然而最近百老匯、豐澤等大舖都出現了暗價，減多 $200，滿足了嗎？我係你當然不會滿足，事實上出面細舖買，已經比起大舖平了不少。根據版主在深水埗的相熟店舖，Note9 128GB 版本最新行貨價為 $6100，相比原價平近 $1600，而 512GB 版本則賣 $7900，相比原價平近 $1700。呢個價，又是否值得一戰呢？能否對 iPhone XS 稍為造成一點威脅？留言講下啦！
三星 Galaxy Note9 (6GB/128GB) 在文章發表時，大舖暗價為 $7498，按這裡有詳細規格及最新賣價。
三星 Galaxy Note9 (8GB/512GB) 在文章發表時，大舖暗價為 $9598，按這裡有詳細規格及最新賣價。
查詢及