四千頭入手 華為拍照最強 三鏡旗艦手機

左定坤 (Cho Ting Kwan) 2019-01-09 19:35 | Samsung
自從華為推出咗 Mate 20 Pro 之後,身邊有好多人都問版主,到底 Mate 20 Pro 影相係咪真係咁好?而一般我都會答,其實唔係,如果比較返舊代的 P20 Pro,Mate 20 Pro 影相的質素會稍為遜色,然而如果你追求玩味性,Mate 20 Pro 又會係不錯的選擇,多得佢個廣角鏡頭,啱哂去旅行影風景用。不過,如果認為廣角對你無乜用,都係質素重要啲,P20 Pro 而家賣到四千頭,又會否是你的選擇呢?睇下文啦!

P20 Pro(Facebook).jpg

華為 P20 Pro 大舖賣價暫時都係無乜變動,都依然係賣緊 $5988,無乜特別,就算留意出面的細舖行貨價,都仲係賣成四千尾至五千頭,市場價企得好硬。然而,如果唔介意水貨的話,而家水貨價已經賣到四千頭,約 $4380 - $4480 左右。呢個價算唔算係一個合理價呢?

講影相屈機程度,我諗暫時都未有邊部手機,相機成像質素可以贏到 P20 Pro,難怪出咗咁耐,DxOMark 的榜首依然都仲係佢,總得分 109 分,未有對手能夠將之擊退。而在效能方面,P20 Pro 都不是甚麼「雞肋機」,雖然唔係最新的處理器,但有 Kirin 970 處理器,其實性能都基本夠用,內置 6GB RAM + 128GB ROM,並且有 4000mAh 大電。

華為 P20 Pro 在文章發表時,大舖賣價為 $5988,按這裡有詳細規格及最新賣價

最新新聞