主題:賣價二千中!五千大電 S660 中階手機 平價鬥三星、Nokia

ePrice HK
  • 發表時間:2019-03-08 23:31 收錄檢舉
    成日都話,近年推出的 6 系、 7 系中階手機,性能已經相當不錯,唔打機固然使用流暢,就算打機,只要唔係打啲硬件要求好高嘅 Game,基本上都係好夠用。事實上,中階手機愈出愈平,就算係用 S710 嘅手機,最平千幾蚊就買得到,不過係魅族機囉。如果想玩返大廠中階手機,又要三千蚊樓下,近期又有無好選擇呢?睇下文啦!

    賣價二千中!五千大電 S660 中階手機  平價鬥三星、Nokia
     

    Samsung Galaxy A8 Star 衛訊劈價 $1200

    講咗近期有減價的手機先,說的是三星 Galaxy A8 Star,建議零售價為 $3998,今個月起衛訊做緊信用卡優惠,由原來的 $2998 減多 $500,最新賣價為 $2498,呢個價網友敗唔敗呢?Galaxy A8 Star 有 6.3 吋大芒,無瀏海,配備 S660 處理器,內置 4GB RAM 以及 64GB ROM,有 3700mAh,並且具有 16MP + 24MP 雙主鏡頭,而前置鏡頭則為 24MP。

    賣價二千中!五千大電 S660 中階手機  平價鬥三星、Nokia
     

    Nokia 7 Plus 百老匯最平賣 $2298

    同樣大廠 S660 手機,Nokia 7 Plus 近期都同樣有減價,建議零售價為 $3298,原本做緊「即減 $300」,即賣 $2998,今個月百老匯做緊恆生信用卡優惠,$2298 就買到。相比 Galaxy A8 Star,Nokia 7 Plus 電量多了一百,但芒就細啲,得 6 吋,有 12MP + 13MP 蔡司認證雙主鏡頭,前置鏡頭則為 16MP。而講到 Nokia 7 Plus 最大的賣點,在於係用上 Android One 系統,可在兩年內更新到最新的作業系統以及安全性更新。

    賣價二千中!五千大電 S660 中階手機  平價鬥三星、Nokia
     

    新機到港!ASUS ZenFone Max Pro M2 五千大電,呢個價抵?

    最後要提的,是最近才在香港上市的 ASUS ZenFone Max Pro M2,建議零售價為 $2498,個人認為呢部手機性價比相當高,除咗都係 S660 處理器,用上 6.26 吋芒,內置 4GB RAM + 128GB ROM,最大的賣點是其 5000mAh 大電,用足一日甚至做埋 Wi-Fi 蛋,都仲得!相機是 12MP + 5MP 雙主鏡頭,而前置鏡頭則是 13MP。

    賣價二千中!五千大電 S660 中階手機  平價鬥三星、Nokia

    以上為近期中階手機的情況,而版主都就此住筆。以上提到有三星 Galaxy A8 Star、Nokia 7 Plus 同埋 ASUS ZenFone Max Pro M2,網友又會支持邊部多啲呢?留言講下啦!

    三星 Galaxy A8 Star 在文章發表時,大舖賣價為 $2498,按這裡有詳細規格及最新賣價
    Nokia 7 Plus 在文章發表時,大舖賣價為 $2298,按這裡有詳細規格及最新賣價
    ASUS ZenFone Max Pro M2 在文章發表時,大舖賣價為 $2498,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁