Samsung Galaxy S10 5G 版，水貨上個月已經抵達旺角先達，當時叫價 $9980，近萬蚊的價位，聽到都唔係好捨得買。Note 系列，就話可以諗諗佢啫！所以初到港果期，真係買嘅人並不多。然而，隨着開賣已有一段時間，水貨賣價已經落到 $8300，相比第一水賣價落咗 $1700，據先達三禾店主稱，而家賣到八千幾蚊，買嘅人確實比之前多咗好多，畢竟價錢無當初咁「嚇人」。$8300 咋喎，你又敗唔敗呢？
暫時只有韓國出咗 5G 版 S10，所以自自然然水貨都會係韓版。S10 5G 採用了 6.7 吋 Dynamic AMOLED 大屏幕，配備自家 Exynos 9820 處理器，內置 8GB RAM 以及 256GB ROM，電池容量高達 4500mAh，提供高達 25W 的快速充電。相機部份，S10 5G 無論在前置鏡頭抑或後置鏡頭，都新增了 ToF 鏡頭，令虛化景深效果更佳。
查詢及鳴謝: 三禾電氣23740618 （旺角） 23740718 （銅鑼灣）