嘩!三星摺芒手機 Z Flip3 行貨 大舖限時減到 $6698

左定坤 (Cho Ting Kwan) 2021-11-05 14:41 | Samsung
記得身邊有朋友早前買咗三星摺芒手機 Galaxy Z Flip3,呢段消息我就唔同佢講,點解?原因就係,三星 Galaxy Z Flip3 行貨衛訊網店「雙 11 優惠」限時減價至 $6798,減幅有 $1500,相信比佢之前買嘅價錢平咗唔少。另外,如果你用 Citi 信用卡簽帳,仲會有即時扣減 $100 優惠,前後加埋減 $1600,再送三星 Galaxy Fit2 智能手環,好似都幾著數。

不過,從來買手機都係一句:「早買早享受」,只係而家遲買唔係平幾舊,而係平 $1600,呢個價錢又係咪吸引到你呢?優惠期去到 11 月 14 日,不過佢都寫明,限量 11 部喎,文章撰寫時就仲有貨,要買真係要趁早。

同三星 Galaxy Z Fold3 唔同,雖然大家都係摺芒手機,不過 Galaxy Z Flip3 係一部細芒變更細芒嘅手機,而 Galaxy Z Fold3 則係一部細芒變大芒嘅手機,兩機定位唔同,價錢當然都有一段距離。規格上佢打開咗係有 6.7 吋芒,另外都有個 1.9 吋副芒,配備 Qualcomm S888 處理器,內置 8GB RAM 以及 256GB ROM,不過電就少啲,得 3300mAh,而一部 5G 手機嚟講,滿足一日所需應該有點勉強。相機部分用上 12MP 標準 + 12MP 超廣角雙鏡頭,前置鏡頭則為 10MP。

按這裡有購買傳送門
 

最新新聞