事先聲明，今次要講嘅呢部手機，並唔係乜嘢大路機，而係 ZTE 喺 10 月果陣推出嘅 Nubia Z20，6GB + 128GB 版本最新水貨價為 $2980，跌到 $3000 有找，而 8GB + 128GB 版本以及 8GB + 256GB 版本，則分別為 $3180 及 $3780。以呢個硬件規格嚟講，配以呢個價錢，性價比算係相當高。
而事實上，當初呢部手機推出嘅時候，版主覺得佢個設計都幾吸引，好似 vivo NEX 咁，無自拍鏡頭，但取而代之係背面多一塊屏幕，變成無論自拍定係普通影相，都係用同一組鏡頭，讓自拍都可以用到其三鏡頭。正面屏幕是 6.42 吋，解像度為 2340 x 1080，而背面屏幕則有 5.1 吋，解像度為 1520 x 720。有趣的是，Z20 會有兩個指紋辨識鍵，設於手機的左右兩側。
其他硬件部份，Nubia Z20 配備 Qualcomm Snapdragon 855 Plus 處理器，電池容量為 4000mAh，支持 27W 快速充電，而相機則為 48MP 標準 + 16MP 超廣角 + 8MP 遠攝的三鏡頭組合。