發光機殼+可拆式機背!千元機 Alcatel A5 開箱評測

左定坤 (Cho Ting Kwan) 2017-06-03 17:25 | Alcatel
早兩日版主上手左一部新機,個人覺得佢好特別好正,設計不同於一般的智能手機,於是乎就即刻同大家分享一下,並且叫大家估下係乜嘢機。雖然有些網友並唔覺得靚,反而覺得係標奇立異,但版主見到有網友在 telegram 話好想知道呢部係乜嘢手機,證明呢部機其實都吸引到一部份網友的目光。到底係乜手機,相信有不少網友都已經知道,無錯就係 Alcatel A5,下個星期就會開始有售。在這篇文章中,版主除左會同大家講呢部手機的上市資訊外,仲會同大家做個簡單的開箱評測,等大家可以更深入了解一下這部手機。睇下文啦!

A5(Facebook).jpg

Alcatel A5 開箱!可拆式機背,外型多面睇!

Alcatel A5 將會在 6 月 9 日正式在豐澤、3HK 上市,建議零售價為 $1888,呢個價錢對於網友來說,又是否可以接受呢?其實就咁睇呢部 A5 就真係無乜特別,如果唔係 Alcatel 跟版主示範過一次機背發光的情境,真係唔知道原來手機可以咁玩。你可以話佢唔型,可以話佢唔靚,呢啲好主觀,但無可否認佢係市面上唯一一部機背會有 LED 燈發光的手機,分分鐘我拎住出街,真係會吸引到不少人圍觀。Alcatel A5 配備了 5.2 吋屏幕,解像度為 1280 x 720,其實並不算很大,但可能版主對手太細,加上機身比較闊,所以要單手操作,其實都比較吃力。另外個人認為 A5 有一個缺點,就是機身雖然輕,但是實在有點兒厚,但整體來說,還是可以接受的。

想睇番到底 Alcatel A5 點發光法,可以按這裡睇番之前的文章

IMG_4185.JPG
▲ 呢個就係 Alcatel A5 的包裝盒。從包裝盒上已經可以見到發光的機殼。

IMG_4203.JPG
▲ 包裝盒右邊會話你知,乜嘢情況下機背會着燈。

IMG_4204.JPG
▲ 而左側則有這部手機的賣點。

IMG_4205.JPG
▲ 盒的底部是 A5 的基本規格資料。

IMG_4186.JPG
▲ 開箱!A5 隨機有好多嘢送,有保護貼、銀色正常版本的機殼、保護套、USB 線、充電器、耳機以及說明書和保用證明書。

IMG_4187.JPG
▲ 要注意的是,A5 的跟機火牛輸出只有 5V / 1A,充電速度相比今日其他手機相對地慢很多。

IMG_4190.JPG
▲ 講完包裝盒入面的配件,係時候要講下部機。A5 配備了 5.2 吋 720p 屏幕,雖然係 720p,不過 Alcatel 屏幕不嬲做得唔錯,望落去都唔會覺得好難睇。

IMG_4191.JPG
▲ 屏幕上方會有 500 萬像素前置鏡頭,並且會具備前置閃光燈。

IMG_4192.JPG
▲ 屏幕下方則有指紋辨識鍵,而指紋辨識鍵左右隱藏着返回鍵以及多工鍵。

IMG_4193.JPG
▲ 機背左上方會有 1300 萬像素主鏡頭,光圈值有 F2.0。

IMG_4194.JPG
▲ A5 其中一個特色就係機殼可以拆卸,你唔鍾意呢個機殼,可以更換跟機另一個機殼。

IMG_4197.JPG
▲ 手機右側會有開關鍵以及音量鍵,而左側則甚麼都沒有。

IMG_4198.JPG
▲ 機底是喇叭以及 microUSB 插槽。

IMG_4199.JPG
▲ 而上方則是 3.5mm 耳機孔。

IMG_4206.JPG
▲ 上手!其實主要都係機身比較闊,對於手細的版主來說,單手操作係困難啲嘅。

跑分軟件測試 Alcatel A5 效能

好老實,呢部手機最大的 Gimmick 位,就是佢個可拆式機背以及會發光的機殼,其他乜嘢效能等方面,就真係麻麻地,整體規格配置非常入門。Alcatel A5 配備了 MTK MT6753 1.3GHz 八核心處理器,內置 3GB RAM 以及 16GB ROM,雖然 16GB ROM 比較少,不過勝在有 microSD 插槽。值得一提的是,A5 並不如坊間大部份手機的「三選二卡槽設計」,而是用上「真三卡」,即可以同時使用兩張 SIM 卡以及一張 microSD 卡,呢點都係值得一讚的!

1.png2.png3.png
▲ 根據安兔兔跑分的成績,配備 MTK MT6753 處理器的 Alcatel A5 有 30801 分,呢個分數比版主想像中高,但比起而家嘅手機來說,就有點距離。不過如果平時唔係用來打機,而是作為工作機,分數幾多其實並不太重要,最重要用上手時唔會容易 hang 機,夠穩定,就好足夠。

相機方面又如何?Alcatel A5 相機實拍!

Alcatel A5 配備了 1300 萬像素主鏡頭,光圈值有 F2.0,拍出黎的照片以千幾蚊來說,真係唔能夠要求得太高。因為個芒夠靚的關係,喺電話睇啲相就好似幾靚,但放到電腦睇又會唔會走哂樣呢?一齊睇下試相,睇下咁嘅成像你滿唔滿意啦!

IMG_20170603_161829.jpg  IMG_20170603_161904.jpg

IMG_20170603_161944.jpg  IMG_20170603_161956.jpg

IMG_20170603_162013.jpg  IMG_20170603_162042.jpg

IMG_20170603_162248.jpg  IMG_20170603_162315.jpg

IMG_20170603_162344.jpg  IMG_20170603_162412.jpg

小結

千幾蚊嘅手機,真係唔要求得咁多,你真係要求多,一係就買番小米。但如果唔想用小米,其實 Alcatel 都算是一個不錯的選擇。當然你要打機就真係比較吃力,始終係 MTK U,在圖像處理方面真係唔多掂,你睇安兔兔跑分中,3D 效能只有幾千分,你就知道。影相部份我覺得屬不過不失,以千幾蚊來說,我覺得我影得開心過用小米,至少在芒上睇自我感覺良好。而最好的地方係,手機可以換機殼,你今日想唔要呢隻 LED 機殼,想要番普通啲,你可以任意更換,隨你喜歡。個人覺得都算是合格,你又點睇呢?

Alcatel A5 LED 在文章發表時,建議零售價為 $1888,按這裡有詳細規格及最新賣價

Alcatel A5 LED 相關文章

神秘新機上手!真‧型爆發光手機,網友估下係乜機?
發光機殼+可拆式機背!千元機 Alcatel A5 開箱評測

相關產品 (1)

相關報導 (2)

發光機殼+可拆式機背!千元機 Alcatel A5 開箱評測

發光機殼+可拆式機背!千元機 Alcatel A5 開箱評測

早兩日版主上手左一部新機,個人覺得佢好特別好正,設計不同於一般的智能手機,於是乎就即刻同大家分享一下,並且叫大家估下係乜嘢機。雖然有些網友並唔覺得靚,反而覺得係標奇立異,但版主見到有網友在telegram話好想知道呢部係乜嘢手機,證明呢部機其實都吸引到一部份網友的目光。到底係乜手機,相信有不少網友都已經知道,無錯就係AlcatelA5,下個星期就會開始有售。在這篇文章中,版主除左會同大家講呢部手機的上市資訊外,仲會同大家做個簡單的開箱評測,等大家可以更深入了解一下這部手機。睇下文啦!

左定坤 (Cho Ting Kwan) | 2017-06-09
神秘新機上手!真‧型爆發光手機,網友估下係乜機?

神秘新機上手!真‧型爆發光手機,網友估下係乜機?

乜嘢係型?有網友覺得,SonyXperiaXZPremium果種玻璃機背就叫型。本來版主都覺得係架,但自從我今日見過一部神秘新機之後,就覺得XZPremium果種,根本就係小兒科。呢部新機,最特別的地方係,佢識得發光,真係從來未諗過一部手機,係可以玩到咁嘅款。我相信,如果你拎住呢部手機出街,一定會吸引到唔少型男美女凝視住你。版主唔好咁誇張得唔得?有無誇張,自己入黎睇下啦!

左定坤 (Cho Ting Kwan) | 2017-06-02

最新新聞