S835 性價比鬥小米 / OnePlus！獨家爆 Nokia 8 香港賣價 + 上市資訊

左定坤 (Cho Ting Kwan) 2017-09-05 20:13 | Nokia

高性價比的 S835 旗艦手機，在網友印象中不外乎兩部：一部是小米 6，另一部是 OnePlus 5。不過，今個月起會出現一個新選擇，說的是明天將會在香港發表的 Nokia 8，一如既往版主在發佈會之前，已收到風關於 Nokia 8 的香港賣價 + 上市資訊，記得 Nokia 6 運行 S430 處理器都要賣 $2088，想不到今次推出的 S835 旗艦 Nokia 8，版主個人認為賣價一點也不貴，相信呢部手機的出現，會對現有 S835 旗艦，包括 Samsung S8 / Note8、HTC U11、LG V30、Sony XZ Premium / XZ1 / XZ Compact 帶來衝擊。睇下文啦！



Nokia S835 旗艦新機 Nokia 8，將於明天就會在香港發表，而在此之前版主就收到風，Nokia 8 將會明日 5 時後開始接受預訂，建議零售價為 $4088，並於 9 月 14 日正式開賣。【6/9 13:46 更新：香港會推出緞面藍、鋼鐵灰兩種】

雖然本身對呢部手機的興趣只屬一般，最靚應該是灰色／白色版本，土豪金果種顏色實在太過浮誇，但無可否認呢個價錢確實是帶給版主不少驚喜。Nokia 8 配備了 Qualcomm S835 處理器，內置 4GB RAM 以及 64GB ROM，並且擁有兩個 1300 萬像素蔡司認證主相機，以及一個 1300 萬像素的前置鏡頭，呢點又真係幾吸引。四千蚊左右，雖然同 OnePlus 5 6GB / 128GB 版本差不多價錢，但 Nokia 8 相機仲會支持光學防震功能，加上有蔡司認證加持，理論上在影相、拍片方面應該會好過 OnePlus 5 不少。呢部 Nokia 8，你認為諗唔諗得過呢？


▲ 在之前外國的開箱片中，已經見到 Nokia 8 的外型，其實銀色我覺得係幾靚嘅。係咪呢？

Nokia 8 在文章發表時，將於 9 月 14 日上市，賣價為 $4088，按這裡有詳細規格及最新賣價。