2 年保 + 3 年更新!Sell 平價 + 大電 Nokia X20 5G 香港有價

左定坤 (Cho Ting Kwan) 2021-05-04 20:32 | Nokia
買得手機,好多時都希望保養期長啲,咁我哋使用嘅周期都可以耐啲,唔使成日用得一年,一個唔好彩壞咗又要換新機。小米其實都有做緊延長保養期嘅政策,之前某啲型號手機有額外半年保,即加起嚟有 1.5 年,而最近 Nokia 就會係香港推出一部新機,仲要有成 2 年保添,而且仲有 3 年嘅系統更新!講緊嘅係 Nokia X20,到底香港會賣幾錢,睇下文啦!

FB.jpg

版主從大舖朋友仔口中收到風聲,得知 Nokia X20 將會喺今個星期在香港開賣,確實日期未定,預計會是星期五,即 5 月 7 日開賣。至於價錢部分,Nokia X20  香港會賣 $2998,只有銅色一種選擇,跟機會有個環保保護套,同時同歐洲唔同嘅係,香港版會跟埋 18W 充電器,滿足到香港人對充電器嘅需求,呢點算係值得一讚嘅。

至於 Nokia X20 規格係點呢?Nokia X20 採用咗 6.67 吋穿窿芒,配備 Qualcomm Snapdragon 480 處理器,雖然係 4 系 U,但據說不比 6 系或者 7 系 U 差,有啲地方仲會快咗,不過聽返嚟㗎啫,實際係點,就要等版主借到手機,試咗至知。另外,香港版內置 8GB RAM 以及 128GB ROM,電池容量為 4470mAh,相機用上咗 64MP 廣角 + 5MP 超廣角 + 2MP 微距 + 2MP 景深嘅蔡司四鏡頭組合,前置鏡頭則為 32MP。

Nokia-X20-1-1-854x1024.jpg

Nokia X20 在文章發表時,建議零售價為 $2998,按這裡有詳細規格及最新賣價

相關產品 (1)

相關報導 (2)

S480 性能拍得住 6 系 7 系 U!Nokia X20 開箱 + 效能評測

S480 性能拍得住 6 系 7 系 U!Nokia X20 開箱 + 效能評測

早前就同大家分享過,NokiaX20香港開賣資訊以及建議零售價,但好多人見到價錢差不多$3000,睇一睇個Specs居然只係用4系U喎,4系U唔係即係入門級咋咩?賣$3000係咪貴咗少少?不過之前就聽聞,NokiaX20所用嘅S480處理器,雖然只係4系U,但性能上並非真係入門級,而係拍得住6系或者7系中階U,某啲方面甚至更快添!嗱,我就借到呢部NokiaX20,同大家做個開箱之餘,亦會針對效能部分做個評測。睇下文啦!

左定坤 (Cho Ting Kwan) | 2021-05-06
2 年保 + 3 年更新!Sell 平價 + 大電 Nokia X20 5G 香港有價

2 年保 + 3 年更新!Sell 平價 + 大電 Nokia X20 5G 香港有價

買得手機,好多時都希望保養期長啲,咁我哋使用嘅周期都可以耐啲,唔使成日用得一年,一個唔好彩壞咗又要換新機。小米其實都有做緊延長保養期嘅政策,之前某啲型號手機有額外半年保,即加起嚟有1.5年,而最近Nokia就會係香港推出一部新機,仲要有成2年保添,而且仲有3年嘅系統更新!講緊嘅係NokiaX205G,到底香港會賣幾錢,睇下文啦!

左定坤 (Cho Ting Kwan) | 2021-05-04

最新新聞