六千容量大電池 + 信任品牌!Nokia C30 超平價開賣

Keith Yim 2021-08-04 10:06 | Nokia
手機嘅規格,可以要求好高檔,但亦可以有好基本嘅要求。乜叫做基本得嚟,人人聽咗都會大讚呢?相信都係大芒+大電池。星期五 (6/8) 香港有一部又大芒,又大電,舊電仲要大到有 6000mAH 容量嘅手機開賣。呢部機嘅品牌,大家都會 Very Like 佢。講緊嘅係 Nokia C30!呢部機,有乜係咪真係咁吸引,賣之前又有乜要注意?一齊了解一下。

6000-fb.jpg

大芒大電

Nokia 喺 2021 年推出嘅手機,會有新命名方法,C 系代表係入門級別,所以 Nokia C30 代表咗佢係一部入門嘅手機。之前,我哋 ePrice 都有另一部 G20 嘅評測,當時測試員大師 YK 相檔滿意 G20 嘅。不過,數字、英文都唔同咗,規格都唔同,Nokia C30 其實比起 G20 更加入門。不過咁,芒嘅尺吋,同埋電池容量,就係 G20 無嘅優點。

Nokia C30 擁有 6.82 HD+ 嘅屏幕,處理器係 Unisoc SC9863A,有 Octa-core 1.6GHz (4A55 1.6GHz+4A55 1.2GHz)。香港推出高級版本,喺 Nokia 國際官網,你會見到係 2GB RAM + 32GB ROM,但係香港會推出 3GB RAM + 64GB ROM 版本。留意嘅係 RAM 多咗,即係可以同時開更多嘅 App,而 ROM 多咗,你又可以裝多幾個 App 啦。Nokia C30 嘅相機,都有千三萬相像,唔好 Expect 佢影得好靚,你當日常影像紀錄就可以啦。

六千大電池,當然係賣點,但留意佢嘅 CPU,其實 28nm 制程,相比家陣新機有更先進嘅制程,慳電程度無新機新 CPU 咁強,所以雖然佢有 6000mAH 電池,但未必夠其他新款有5000mAH 有更好嘅電池嘅連續時間,但天生係大容量,備用時間都會長嘅,官方就話可以連續使用三日!

Android 11 Go

另一個大家要注意係,佢係用 Android 11 Go 版本。Go Edition,即係一個比較精簡嘅 Android 系統,專門給予低規格嘅手機採用。一般使用其實同 Android 11 無乜好顯著分別,只係 Google App 部份會比較簡單;系統會 suggest 你用比較簡單嘅 Facebook Lite 等等。Go 版本 Android,相機介面都有驚喜,就係支援人像模式。呢個本來係 Pixel 手機先有嘅工具,都係 Go 版本嘅手機,例如 Nokia C30 及早前推出嘅 Nokia 1.4 見到。

6000-01.jpg

Nokia C30 會係今個星期五 8 月 6 日推出,定價 HK$1,198。千二蚊唔駛,有巨芒大電池機,係咪好吸引呢?

仲有得平

講開又講,用 Android 11 Go Edition 版本嘅 Android 手機,Nokia 仲有一部叫 1.4。比起 Nokia C30 呢部個芒細啲,電池又細啲,但價錢更加平。呢部 Nokia 1.4,本嚟已經千蚊樓下,你用「消費劵」有得即減 $150,由 $998 即係 $848 入到手。咁平嘅手機有乜用?我哋叫朋友試過, Android 11 Go 係支援「安心出行」架,咁你明啦!

a11.jpg

相關產品 (2)

相關報導 (3)

千元有找,5000 容量大電池,Oppo A17k 挑機 Nokia +紅米!邊款好用

千元有找,5000 容量大電池,Oppo A17k 挑機 Nokia +紅米!邊款好用

可能是經濟差,大家對手機價格越嚟越敏感。大家唔係對手機無需求,一人要用幾部手機已係潮流。問題係,已經唔想花太多錢買一部主打機,為勢所迫,仲要買多部用嚟造安心出行OfflineMode,或者公司專用的WhatsAppPhone。第二選擇,價錢越平越好。最得人驚係,平到一千有找嘅款式,要行呢兩款App,甚至聽埋歌,睇埋片都應付到,所以Nokia最賣得最好係平價機,小米最近亦推出多款千元樓下紅米款式,而OppoA17k 亦加入戰團,到底點揀好?

Keith Yim | 2022-11-27
六千容量大電池 + 信任品牌!Nokia C30 超平價開賣

六千容量大電池 + 信任品牌!Nokia C30 超平價開賣

手機嘅規格,可以要求好高檔,但亦可以有好基本嘅要求。乜叫做基本得嚟,人人聽咗都會大讚呢?相信都係大芒+大電池。今日4/8香港有一部又大芒,又大電,舊電仲要大到有6000mAH容量,呢部機品牌,大家都會VeryLike佢。講緊嘅係NokiaC30!呢部機,有乜係咪真係咁吸引,賣之前又有乜要注意?一齊了解一下。

Keith Yim | 2021-08-04
$1000 有找平價入門機!Nokia 1.4 新機本周賣呢個價

$1000 有找平價入門機!Nokia 1.4 新機本周賣呢個價

講到$1000有找平價入門手機,我會第一時間諗起NokiaC2呢部AndroidGo手機,可惜啦周圍已經斷哂貨,就算而家想買部當安心手機,都未必買得到。除咗NokiaC2,仲有無其他平價新機選擇呢?若果你想搵部$1000有找平價手機,就要留意下上個月海外發表嘅Nokia1.4,因為呢部手機香港會賣。幾時?今個星期。想知幾錢,睇下文啦!

左定坤 (Cho Ting Kwan) | 2021-03-16

最新新聞