主題:版主開箱! Nexus 6 效能對決 LG G Flex 2

ePrice HK
  • 發表時間:2015-02-03 17:26 收錄檢舉
    之前版主 Eddie 就為新一代 LG 旗艦 G Flex 2 做左開箱分享。其實同期仲有另一部旗艦級的手機!講緊嘅就係第六代「親生仔」 由 Motorola 製作 Nexus 6 。Nexus 6 賣價唔平,版主知道,水貨或行貨,在初期開售時,都要五千中左右先入到手?齊齊睇下版主的分享心得,睇下值唔值先啦。

    Nexus 6 開箱試玩,效能硬撼 G Flex 2


    Nexus 6 外型:頂級的造工,體積稍嫌過大

    今次開箱最令版主估唔到就係 Nexus 6 大拿拿成五千幾,六千蚊但跟機的配件就有點陽春,只係得充電器、 USB 線同附帶 SIM 卡針的說明書,連耳機都無。(雖然大家都未必會用返原廠耳機)但手機盒的外型就相當唔錯,簡潔的設計同中間一個 6 字令人一見到就知道呢部機就係 Nexus 6 ,版主就覺得比起上一代 Nexus 5 更好睇啦。

     

    講到 Nexus 6 外型,同前幾代相比最明顯的分別就係屏幕比以往的親生仔都要大,用上左 5.96 吋的 1440 x 2560 AMOLED 屏幕(上一代 Nexus 5 都只係 4.9 吋咋)。而外型方面廷續一貫 Nexus 風格,四條邊較圓潤。版主留意到對於 Nexus 6 的外型係評價上可以話係好壞參半,而試用過之後都同意 Nexus 6 外型真係「有辣有唔辣」。

    好果方面就係比起版主曾經用過的第三代親生仔 Galaxy Nexus , Nexus 6 造工明顯好得多,拎上手時 Nexus 6 扎實的感覺實在唔係一般膠機可以相比的。而機背亦都用左同 HTC ONE 一樣的曲面設計,中間較厚而機身兩邊較薄,而機頂亦較機底薄,令手機拎上手時會比較輕鬆同手感較為舒服。而於早前有傳的 Nexus 6 出現底蓋分離同埋電池漲起問題,可能因為版主試用時間不算長,所以並未發現到。

    但缺點方面, Nexus 6 的 6 吋大芒係某程度上真係過大,版主作為一個「手細之人」莫講話單手操作,連揸好部機都有困難,單係呢點已經叫人頭痛。當然,手掌大小個個不同,版主見唔少手掌較大的朋友對 Nexus 6 相當滿意,所以都係唔講咁多,比大家睇相仲實際。

    Nexus 6 開箱試玩,效能硬撼 G Flex 2 Nexus 6 開箱試玩,效能硬撼 G Flex 2
    Nexus 6 開箱試玩,效能硬撼 G Flex 2
    盒雖然大但配件就只有呢兩件同埋一半說明書。 充電器同樣標榜可以快速充電,老實講快充基本上現時個個牌子的旗艦都有,唔算係獨家的功能。而同 Galaxy Note 4 的充電器相比版主覺得兩者都差唔多咁快,好難分出高下。
     

     

    Nexus 6 開箱試玩,效能硬撼 G Flex 2
    Nexus 6 正面,同以往各代 Nexus 相比差別不算大,未算突出。

    Nexus 6 開箱試玩,效能硬撼 G Flex 2 Nexus 6 開箱試玩,效能硬撼 G Flex 2
    ▲ 背面用上的塑膠材質對手掌大的人來講係舒服,對手掌細的人來講就係大伏。機背 Nexus 字樣非常搶眼。

    Nexus 6 開箱試玩,效能硬撼 G Flex 2
    ▲ 同以往咁多代 Nexus 手機不同,今次 Nexus 6 相機的質素大大提升,雙 LED 閃光燈亦係亮點之一。

    Nexus 6 開箱試玩,效能硬撼 G Flex 2 Nexus 6 開箱試玩,效能硬撼 G Flex 2
    ▲ 版主幾肯定 Nexus 6 的喇叭能夠帶比大家驚喜,雖然 Google 無刻意標榜一對喇叭用上甚麼特別的技術,但質素比一眾旗艦有過之而無不及。不過呢對出色的喇叭同時有個問題,就係喇叭旁邊的坑相當容易入塵,用家可能需要經常清理。

    Nexus 6 開箱試玩,效能硬撼 G Flex 2 Nexus 6 開箱試玩,效能硬撼 G Flex 2
    ▲ 開機同音量按鍵都置於手機右邊,開機掣用上凹凸紋方便用家識別,呢一點相當貼心。 機頂係 Nexus 6 最厚的部份,約有 10.1 mm 厚。


    Nexus 6 開箱試玩,效能硬撼 G Flex 2
    同前代一樣, Nexus 6 的 Sim 卡孔相當細,大家千萬唔好唔見左原裝的 Sim 卡針啦。
     

    外型對決 Samsung Galaxy Note 4

    上文提到 Nexus 6 體積稍嫌過大,為左令大家具體地了解 Nexis 6 的外型大小,版主就搵來無論係屏幕尺吋、規格同埋價錢都同 Nexus 6 都可以一拼的 Samsung Galaxy Note 4 來比一比。簡單來講,如果閣下覺得 Note 4 並唔算好大部的話, Nexus 6 都唔會有問題,相反如果覺得 Note 4 已經超過可接受範圍的話,Nexus 6 對閣下來講都係太大部了。

    Nexus 6 開箱試玩,效能硬撼 G Flex 2
    Nexus 6 整體而言係比 Note 4 大部,令人想唔到係雖然闊度上 Nexus 6 只係比 Note 4 闊 5mm( Nexus 83mm 闊、 Note 4 78mm 闊)但無論係視覺上還是拎上手的感覺上都有頗大的分別。 Note 4 比人感覺係屏幕偏長而 Nexus 6 拎上手時就感覺相當大部。

    Nexus 6 開箱試玩,效能硬撼 G Flex 2
    ▲ 兩部機的厚度其實不容易比較,只可以話 Nexus 最厚的部份比 Note 4 厚,但 Nexus 較為薄的部份好似機身底部就比 Note 4 薄。
     

    效能跑分比一比!頂級旗艦表現,但 Vellamo 跑分成績略遜 G Flex 2

    在 Nexus 6 推出後曾經有傳因為 Google 係 Android 5.0 上使用左 FDE 加密投術,令 Nexus 6 係讀寫速度上慢上一半,再加上 Android 5.0 同前幾代 Android 相比亦頗為不穩定,相信好多人都會擔心 Nexus 6 係效能方面會否受到以上的因素影響。試用過後版主就覺得以上問題大家都唔需要擔心啦!版主發現當 Nexus 6 軟件版本即使升上 5.0.1 之後無論係安兔兔、 Vellamo 還是 Basemark 2.0 表現上都無大影響。雖然同用上最新 Qualcomm S810 的 G Flex 2 相比, Nexus 6 都係差一點,但係平常使用方面,版主對 Nexus 6 係相當滿意的。以瀏覽電腦版網頁為例, Nexus 6 的順暢程度就比 Note 4 更好。簡單來講 Nexus 6 可以話係目前版主用過效能最強的手機,對手機效能要求過的朋友來講 Nexus 6 就適合不過。

    Nexus 6 開箱試玩,效能硬撼 G Flex 2
    Quadrant Standard 上面雖然只係得萬二分左右的成績,但版主以前都提及過 Quadrant Standard 已經有一段時間未有更新,所以參考價值已經比以往低。而 安兔兔方面雖然升級至 5.0.1 之後 Nexus 6 成績反而差左,只得 52,834 分(在 5.0.0 版本時最高約有 53,000 分),但同 LG G Flex 2 比亦不相伯仲,相信大家都會收貨吧。至於係 Vellamo 方面,雖然升上 5.0.1 之後係硬件同效能兩個項目上分數都比 5.0.0 版本時略低,但瀏覽器表現就大大提升,不過同用上 S810 的 G Flex 2 相比仍然有一段距離。

    Nexus 6 開箱試玩,效能硬撼 G Flex 2
    係 Basemark 2.0 方面, Nexus 6 無論係升級前還是升級後表現一樣無懈可擊, 59.66 呢個分數對應付 3D 遊戲來講不成問題,而版主日常使用 Nexus 6 時同樣亦未 Lag 過,表現實在不錯。

     
      Moto Nexus 6 LG G Flex 2
    安兔兔 52,834 51,807
    Quadrant Standard 12,499 26,898
    Vellamo 瀏覽器 3066 4095
    Vellamo 多核 1706 2175
    Vellamo 金屬 1587 2153
    Basemark 2.0 59.66 55.65
     

    開賣消息

    在文章刊登時,Nexus 6 香港行貨未推出,不過,大家都可以買到,網上店 Expansys 已有售,透過宅急便仲送貨去 OK 便利店。Nexus 6 32GB 係 Expansys 賣 $5898。香港行貨呢?版主就收到風 Nexus 6 會係 2 月 17 日上市, 32GB 定價約為 $5598 !仲會連同 MOTO 360 智能手錶一齊推出,MOTO 360 會賣 $2198。大家會入手嗎? 
     

    Nexus 6 評測集合:

    版主開箱! Nexus 6 效能對決 LG G Flex 2
    Nexus 6 屏幕、相機全測試!對決 Galaxy Note 4

    鳴謝 :  Expansys HK

    在文章發佈的時侯, Moto Nexus 6 ( 32GB) 香港行貨定價為 $5598,按此看詳細規格及最新賣價。

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Moto Nexus 6 (32GB)
    • 現時售價: 已下市
    • 尺寸: 159.3 x 83 x 10.1 mm / 184 g
    • 電池: 3220 mAh
    • 插卡:
    • 螢幕: 1440 x 2560、 5.96 吋 AMOLED
    • 相機: 1300 萬像素CMOS
    • 顏色: 深藍/白
    • 時間: 通話 1440 分鐘 / 待機 330 小時
    • 上市: 2015-02-17
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • LG G Flex 2
    • 現時售價: 已下市
    • 尺寸: 149.1 x 75.3 x 8.9 mm / 152 g
    • 電池: 3000 mAh
    • 插卡: microSD
    • 螢幕: 1080 x 1920、 5.5 吋 OLED
    • 相機: 1300 萬像素CMOS
    • 顏色: 黑/紅
    • 時間: N/A
    • 上市: 2015-02-13
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔