今個月減價的 S835 旗艦手機有兩部，一部就是 ASUS ZenFone 4 Pro，而另一部則是 LG V30+。而兩部減價手機之中，個人認為 V30+ 的所謂減價，實在是太微不足道。由原來的 $5698，減果 $300 至 $5398，無錯係有減價呀，但本來定價就好貴，減那麼少真的很難說服到網友敗它。呢個價，真係合理？答案相信大家心中有數。
反而值得留意的，是 ZenFone 4 Pro，建議零售價 $5598，原本賣緊 $4998，而今個月開始衛訊推出了 Citi 信用卡優惠，將這部手機劈價至 $3498，原價直降 $2100。當然，其實無信用卡，都一樣有呢個價啦～ZenFone 4 Pro 不單止具有 S835 處理器，並且還內置了 6GB RAM，又有雙鏡頭加持以及 3600mAh 電池，從硬件上來看，這部 ZenFone 4 Pro 相當不錯。當然，平還平，但 ASUS 本身個 UI 並不是太 user-friendly，個人對它的感覺一般。然而，既然有減價，版主都同網友分享一下，至於買與不買，就由網友自行決定了。
▲ V30+ 係就係有減價，但減得果 $300，S835 今時今日仲賣到五千幾，合理咩？
▲ 反而 ASUS ZenFone 4 Pro 係值得考慮嘅，雖然 UI 並不是好用，但硬件配置算是不錯，又有 6GB RAM，你又點睇呢？
LG V30+ 在文章發表時，大舖賣價為 $5398，按這裡有詳細規格及最新賣價。
ASUS ZenFone 4 Pro 在文章發表時，大舖賣價為 $3498，按這裡有詳細規格及最新賣價。
