主題:韓國 S845 旗艦齊劈價!LG、Samsung 最多劈千二,唔買會走寶?

ePrice HK
  • 發表時間:2018-08-31 14:04 收錄檢舉
    學生哥,準備開學喇!明明對學生哥嚟講,好似唔算係啲特別開心嘅消息,但有地方居然會藉着「Back to School」呢件事,大搞優惠。不過,理得佢因為乜而搞優惠,重點係佢所謂的優惠,到底係啲乜。如果企到硬一硬的 LG S845 旗艦,突然同你講話劈價 $1200,你又會唔會有「即敗」的衝動呢?睇下文啦!

    韓國 S845 旗艦齊劈價!LG、Samsung 最多劈千二,唔買會走寶?

    說的是 SmarTone,由今日起至 9 月 6 日,會在網店推出「Back to School」開學優惠,每日會有 2 部手機在網店做優惠,限時 24 小時。今日係第一日,到底會以甚麼手機做開頭炮呢?哦,原來係將 2 部 S845 旗艦手機減價,而又咁啱得咁橋,2 部手機都係韓國品牌,唔使問,都知係 LG 同 Samsung。

    LG S845 手機,就是 LG G7+ ThinQ,無乜選擇。講返少少背景先,G7+ 自 6 月上市,開始售價為 $6798,而擺下擺下 (真係擺架,問過唔少大舖,都好似買嘅人唔多),最後落到 $5998。而今次 SmarTone 限時優惠,就將 G7+ ThinQ 平多幾舊,最新賣價為 $5598,相比原價叫做劈價千二,係咪平?唔算貴,但未到最平。um...... 講到最平,始終都不及 SUN Mobile,買埋張 Flex Mobile Prepaid SIM,都是 $5504,平多 SmarTone 幾十蚊。不過,SmarTone 買機最正的地方,就係有一年蚊「爆芒換新」服務,咁如果差果幾十蚊,又好似喺 SmarTone 買會好啲喎。

    至於 Samsung,今次優惠係 Galaxy S9+ (64GB),但睇完 O 哂又唔覺好大優惠,最主要原因是「無減價」,都係賣 $6498,但叫做送多少少嘢,送無線充電器同埋屏幕保護貼,有儲里數嘅佢仲有 250 Asia Miles。不過版主相信一件事,以網友的性格,應該係覺得直接減價更實際,好過送配件。有無篤中你心聲呢?留言討論下啦!

    韓國 S845 旗艦齊劈價!LG、Samsung 最多劈千二,唔買會走寶?

    LG G7+ ThinQ 在文章發表時,SmarTone 網店限時優惠 $5598,按這裡有詳細規格及最新賣價
    Samsung Galaxy S9+ (64GB) 在文章發表時,賣價為 $6498,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁