韓系五鏡頭手機比拼!LG V40 ThinQ 是「呃 Like 之王」

管理員 2019-03-13 20:59 | LG
眾所周知,鬥多鏡頭係未來手機的趨勢,而現時香港有賣的手機之中,最多就玩到「五鏡頭」,LG V40 ThinQ 就係其中一部。鏡頭多,可以用一部手機玩到廣角、遠攝功能,無錯係比起以前,實用性大大提高。然而,小編認為除咗一些實用性功能外,玩味性功能同樣重要,用手機影相最終目的係乜?就係放上 IG / Facebook 呃 Like!V40 ThinQ 內置的相機功能,就算係同為韓牌的「五鏡頭」對手,都無佢咁好玩!講到「呃 Like 之王」,一定係佢!

LG(Facebook).jpg

相機功能 001: 合共「五鏡頭」,廣角、遠攝功能齊全

同某韓牌對手一樣,LG V40 ThinQ 都係有 3 個主鏡頭以及 2 個前置鏡頭,加埋就共有五個鏡頭,每個鏡頭都有着不同的用途。就以主鏡頭為例啦,V40 ThinQ 三個鏡頭分別為:

標準鏡頭:12MP、F1.5 光圈、拍攝角度為 78 度
超廣角鏡頭:16MP、F1.9 光圈、拍攝角度為 107 度
遠攝鏡頭:12MP、F2.4 光圈、拍攝角度為 45 度

其實有廣角鏡頭,對於鍾意周圍去旅行的小編來說,真係一個好有用的功能!最重要係,V40 ThinQ 嘅廣角鏡頭,仲要影完唔會有變形問題添喎!

54255507_2337557479596903_6830450219277090816_n copy.psd

至於前置鏡頭,則有雙鏡頭,分別為:

標準鏡頭:8MP、F1.9 光圈、拍攝角度為 80 度
廣角鏡頭:5MP、F2.2 光圈、拍攝角度為 90 度

相機功能 002: Triple Shot 用盡三鏡頭,標準、廣角、遠攝一鍵影哂!

上面講的都係基本嘢,呢部 V40 ThinQ 所 sell 的獨特功能,先至係重點!其中一個有用的功能,就係 Triple Shot,即係同一時間可以用哂三個鏡頭拍攝,撳一個掣就有齊哂標準、超廣角、遠攝的相片,平時影相就唔使再左諗右諗,到底影廣角相好吖,定係 Zoom 近嚟影好,一於一次過影哂廣角、遠攝相片,之後先慢慢再揀,相當方便,而且佢仲可以幫你將影咗出嚟果三張相,合成為一段短片,你想收藏又得,post 上 IG / Facebook 呃 Like 都得,得咗!

V40 ThinQ 亦有 Triple Preview 功能,可以畀你在按下快門之前,先預覽用標準鏡、超廣角鏡同遠攝鏡所拍出來的效果如何,再決定用哪個鏡頭來拍攝,亦都相當方便!


▲ Triple Shot 可以用三個鏡頭,一次過影哂標準、廣角、遠攝相片,並合成為一段短片。

53628879_408002119775709_5595169894975930368_n.png
▲ V40 ThinQ 亦有 Triple Preview 功能,可以在相機界面上看到三個鏡頭拍到的景像。

相機功能 003: 影片只郁一部份,電影感覺返晒嚟

講開拍片,LG V40 ThinQ 嘅 CineShot 功能都好好玩架。首先你需要錄下大約 3 秒的影片,之後只要你用手指將你想保留「郁動」嘅部份範圍塗漆,就可以整到淨係果個位郁,其他位唔郁的影片。


▲ 可以留意到以上的示範,整條影片就只有火車喺度郁,而旁邊的人則全部定格。同時,你亦可以 set 到將成條影片倒帶,形成一開始架地鐵係向前走,而之後則變成了向後走。

相機功能 004: 前置鏡頭玩味功能是殺手鐧!退地、換背景簡單完成!

不過,雖然 V40 ThinQ 主相機已經夠哂好玩,但小編認為佢真正嘅殺手鐧,係前置鏡頭的功能先啱!2 個前置相機,除咗畀你自拍到影到廣角相之外,最吸引小編的,係佢內置嘅 Custom Backdrop 功能,簡單嚟講就係同你換走個背景,只要揀一張你想要的背景,然後自拍,V40 ThinQ 的 AI 功能就會自動幫你退地,再合成你所揀的背景,呢招用嚟呃 Like,真係無敵!

54211640_1970140396445202_9000343572108541952_n.jpg 54435459_2632446463648355_4015573565951705088_n.jpg

事實上,LG V40 ThinQ 相機功能邊止咁少,以上只係我比較印象深刻的功能,仲有好多好玩的拍攝模式,就好似 AI Composition、3D Light Effect、Macro Mode 微距拍攝等等,太多太多,如果一篇要我講哂,分分鐘幾千字都唔夠我寫,就等網友自己買部返去發掘一下喇~

除咗相機,V40 ThinQ 仲有好多賣點,以下就等小編再講下啦!

其他賣點

首部由 Meridian Audio 調音的手機
手機音效一向都係 LG 手機的重要賣點,今次 V40 ThinQ 仲要加入咗 Audio Tuned by Meridian 專業調音技術,配合埋 32-bit Hi-Fi Quad DAC,令小編用手機聽歌的體驗,再進一步提升咗,同時 V40 ThinQ 亦支持 DTS:X 7.1 頻道,聽歌、睇戲果陣更為感受到聲音有幾立體,有種親歷其境嘅感覺。仲有仲有,V40 ThinQ 仲具有 Boombox 揚聲器,利用手機內部的空間作為共鳴箱,仲可以加強低音的音效添!

53795388_396093027617303_6801857312022593536_n.jpg

霧面設計防指紋、抗污漬,兼有 MIL-STD-810G 防摔規格
平時小編就唔係好鍾意用套 (講緊用手機果陣呀 跳舞 唔好諗歪~),因為覺得裸機上場,先可以 show 到畀人睇,我部手機有幾靚!不過,一般手機裸機上陣的時候,好常會遇到一個問題,就係容易痴手指紋!然而,今代的 V40 ThinQ 以 LG 獨有技術改咗用平滑霧面機身設計,防指紋同抗污漬之餘,手感更大大提升,而且 V40 ThinQ 只重 169g,厚度亦僅 7.8mm,比較市面上其他牌子的旗艦機更輕更薄。

除咗痴指紋問題之外,通常大家裸機上陣最緊張係乜?就係唔小心跌爛部手機。V40 ThinQ 就具備 MIL-STD-810G 軍事級摔落防護規格,令到機身更加堅固耐用,小編在使用 V40 ThinQ 時,試過一個唔小心將部手機跌咗落地下,好彩佢夠硬淨~所以話,有部耐用嘅手機,都係相當重要!

 
限時優惠:買機仲送頸椎按摩機一個
而家 LG 仲同緊 OTO 合作推優惠,在 3 月 31 日之前買機,除咗額外有多一年保養 (即 Total 2 年保),仲會送 OTO 充電式錐錐爽按摩機一個 (價值:HK$1975),你知啦,平時對得手機多,有時頸椎位會好攰好痛,有咗佢,就算用 V40 ThinQ 打機做乜都好,都可以令你舒服一點。咁貼心,抵你支持一下吧?網友仲唔快啲行動,拿拿聲去買返部玩下 V40 ThinQ 獨有的功能?

詳情立即按呢度

LG_V40-banner_1200_D_18012019.jpg

資料由客戶提供

相關產品 (1)

相關報導 (5)

LG V40 ThinQ 大舖劈價!落價千三  網友肯清貨?

LG V40 ThinQ 大舖劈價!落價千三 網友肯清貨?

等咗好耐,終於再等到LG旗艦落價消息!記得早一兩年前,LG旗艦跌價速度簡直能夠稱王,差唔多每隔幾個星期,就又收到LG乜乜乜手機落價,果陣時版主有題材寫又開心,網友食住花生睇LG跌價仲開心。只不過去到近呢幾年,LG話要控制返個價格,唔畀佢跌價咁快,所以你先發現到,減價少咗好多。繼4月初V系列旗艦落價之後,來到今個月呢部手機大舖又再減價,呢個價網友肯幫佢一把清貨嗎?睇下文啦!

左定坤 (Cho Ting Kwan) | 2019-05-02
總分 94 分,LG V40 ThinQ 的 DxOMark 分數揭曉

總分 94 分,LG V40 ThinQ 的 DxOMark 分數揭曉

LGV40ThinQ是2018年10月首度對外界發表的上一代V系列旗艦,相機規格部分是前二後三總共五顆鏡頭的配置;主鏡頭部分搭載了16mm超廣角鏡頭,以及都有OIS的標準、兩倍光學變焦望遠鏡頭。而儘管這款手機帳面上的拍照規格看來不錯,但不久前DxOMark首度公布了 LGV40ThinQ的分數表現,拿下93分的總分,分數排名倒是並沒有特別高。

Keith Yim | 2019-04-22
韓系五鏡頭手機比拼!LG V40 ThinQ 是「呃 Like 之王」

韓系五鏡頭手機比拼!LG V40 ThinQ 是「呃 Like 之王」

眾所周知,鬥多鏡頭係未來手機的趨勢,而現時香港有賣的手機之中,最多就玩到「五鏡頭」,LGV40ThinQ就係其中一部。鏡頭多,可以用一部手機玩到廣角、遠攝功能,無錯係比起以前,實用性大大提高。然而,小編認為除咗一些實用性功能外,玩味性功能同樣重要,用手機影相最終目的係乜?就係放上IG/Facebook呃Like!V40ThinQ內置的相機功能,就算係同為韓牌的「五鏡頭」對手,都無佢咁好玩!講到「呃Like之王」,一定係佢!

管理員 | 2019-03-19
版主教你簡單一招同囡自拍!LG V40 ThinQ 開箱評測 + 跑分

版主教你簡單一招同囡自拍!LG V40 ThinQ 開箱評測 + 跑分

LGV40ThinQ終於到港!而家先出,係咪太遲?遲,無錯係遲咗啲,但同LG傾開,原來係有原因,就係因為要特別為香港市場推雙卡,所以先搞到咁遲先Ready好,呢個解釋,網友接唔接受呢?不過,實際玩過部V40ThinQ之後,版主第一印象相當鍾意,就算遲咗幾個月,都無減佢嘅吸引力。可能版主鍾意影相,尤其是自拍,相機佢有好多Gimmick,值得我去玩下。借走咗部V40ThinQ,而家就先同大家做個開箱評測。睇下文啦!

左定坤 (Cho Ting Kwan) | 2019-01-24
2018 等到 2019!LG V40 ThinQ 入手六個必知,賣價優惠速睇

2018 等到 2019!LG V40 ThinQ 入手六個必知,賣價優惠速睇

由2018拖到2019都未見影的LGV40ThinQ,終於有賣價同上市日嘅消息了!而豐澤亦都已在Facebook專頁發帖,宣布呢部V40ThinQ現已接受預訂,而且預訂仲有嘢送?!如果網友對呢部V40ThinQ有興趣,就要留意以下六點!

左定坤 (Cho Ting Kwan) | 2019-01-21

最新新聞