主題:$1180 平爆!LG KM330 三百萬 AF 相機 + 雙喇叭

ePrice HK
  1  2  >>  最終頁
  • 發表時間:2009-03-20 22:27 收錄檢舉
    係咪金融海嘯的威力,已捲到手機界呢?Nokia XpressMusic 系列、SE Cyber-Shot 都有超低價型號,估唔到更低都有。今天突然上市的 LG KM330,主打環迴雙喇叭的音樂手機,加上三百萬像素自動對焦鏡頭,聽歌、影相,兩大手機玩意都有出眾的規格。係咪咁正先,ePrice 搶先第一手開盒試玩。 ▲ 是廉價手機,包裝盒不算好豪華。 低調低檔機 在 Google 找一找資料,LG KM330 應該在一月份在某地方發佈,但可能因為 LG 把它歸為中下檔手機,沒有很多媒體大示宣揚,就連二月份的 MWC2009 手機大展也未見它的蹤景,所以 ePrice 今天收到這機要推出的消息,特別留意。KM330 設計實而不華,精緻小巧直身設計,雖然膠作為物料,但沒有半點玩具感覺,機面的髮絲紋理,更為它加入點點金屬感。重量只有 70 克,不會因為價錢平已變得好大部,相當小巧。 ▲ 不落俗套的直身機設計,好多人都接受得到。 ▲ 機背的焦點,應是上面,除了一個細細的三百萬像素鏡頭及補光燈,左右兩旁有勁大聲的環迴立體聲喇叭。 ▲ 採用 LG 自家的耳筒及充電埠,不算好方便。 ▲ 支援熱插拔 microSD 記憶卡槽,最高有 8GB 容量,但跟機沒有送卡。 ▲ 手機另一方面相機鍵及音樂鍵,單按啟動收音機、雙按進入 Music Player。 ▲ 跟機的耳筒,有 3.5mm 轉頭,也有大細聲調教,用途不俗。跟機的耳筒音質都好 OK,低音效果過得去,若你還是不喜歡,可隨意換上私家耳筒。 音樂播放 簡單好用 講到音樂播放,LG KM330 簡單得來又好玩。它的介面比較簡單,用家過歌入去記憶卡時,要對正「Sound」這個Folder,最好把歌曲以專輯為單位成為一個 Folder,因為 KM330 沒有歌曲分類,但亦可以自定 Playlist。播放器比較簡單,有類似 Hi-Fi 的跳動圖案,但不能顯示唱片封套照片。有八個均衡器選擇,低音、舞曲、搖滾都有得揀。但最 Cool 的是,獨特閃動提示燈。它不是隨意亂閃,是會跟住節拍的變化閃動,相當有 Feel 。除了音樂播放器,短片播放亦好掂,支援 3GP, MPEG4, H.263 格式,雖然沒有 H.264 高清,但短片解像度可高至 QVGA,我們把一段 MPEG4 25fps 的短片在機內播放,在 QVGA 26 萬色屏幕下,都好有高清感覺。短片播放器更有最高八倍快播及 1/2 倍慢速播放,向前、回帶也可以,就算播電影,要飛走悶場畫面,亦無問題。 ▲ KM330 最 Cool 的地方,就是一邊播歌、一邊閃燈。 ▲ 音樂播放介面比較平淡。 ▲ 支援八個均衡器。 ▲ 短片播放示範。 ▲ 播歌時閃燈效果示範。 三百萬相機 都係簡單 LG KM330 最驚人之處,是千多元的手機,都有自動對焦相機,三百萬像素,影 Snap Shot 好 OK。不過,除了自動對焦,其他影相功能是一般貨色,如最長 15 秒自拍、色彩效果、白平衝及夜間模式。比較方便是有無聲快門,偷怕最好。至於短片拍攝,支援 320 x 240 pixels 大少,MPEG4 格式,效果過得去啦。 ▲ 橫向拍攝模式,沒有什麼特別。有自動對焦框,同樣按半下快門鍵對焦、全按即拍,但老實一句,有 Time tag,影完要 Hold 多一陣。 ▲ 補光燈有全關及自動選擇。 ▲ 有自動對焦幫助,相片清晰度算 OK,見得下人。(按圖放大) 其他功能 不過不失 KM330 是一部 GSM 四頻手機,無 3G。用得它,似乎都不很介意上網功能。事實上,它也支援 EDGE 速度,瀏覽器卻只是 WAP 2.0,不能顯示 HTML 網站。手機也沒有 Email 功能。用家可透過下載 JAVA Gmail 及 Opera Mini 瀏覽器解決。其他手機功能卻不錯,如情景模式、藍牙立體聲、鬧鐘、世界時間、單位轉換器都有,都好實用。 ▲ 內置 mini game world,一個 JAVA 軟件有七個小遊戲,簡單解悶。 ▲ 身高體重指數,有無超標變肥,一看就知。 小結: 平就最好 $1180 有不錯的音樂播放器、自動對焦相機、大品牌的支援,你還想什麼?還要更多的話,似乎這部機不合你,因為 KM330 是一部乜都有的低檔機,你要預它目錄反應會慢一點,JAVA 軟件也慢一點,但一分錢、一分貨的道理,大家也會明白吧。若你 Budget 不夠,又想用功能齊全的大廠機,這部真係不錯的選擇。 LG KM330 手機介紹: https://www.eprice.com.hk/mobile/phone/?prod_id=3345
    此文章已於 2009-03-22 13:09 重新編輯
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • LG KM330
    • 現時售價: 已下市
    • 尺寸: 108.2 x 47.2 x 13.8 mm / 70 g
    • 電池: 900 mAh
    • 插卡: microSDHC
    • 螢幕: 240 x 320、 2.2 吋 TFT
    • 相機: 300 萬像素CMOS
    • 顏色:
    • 時間: 通話 292 分鐘 / 待機 428 小時
    • 上市: 2009-03-20
    • 外型: 直立
      • 非 3G
      • 無 HSDPA
      • 無 衛星導航
      • 無 Wi-Fi
      • 藍牙
      • microSDHC 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 無 3.5mm 耳機孔
    熱門討論▼
  • 發表時間:2009-03-20 23:25 檢舉
    平價相機手機幾抵wo~
    02樓 ▲TOP 回列表頁
  • 發表時間:2009-03-20 23:27 檢舉
    又係呢頭出文 個頭 reply , 真感動。 我六點先借到機, 八點回到家,又試又拍...攪夜左
    多謝支持 ePrice.HK
    03樓 ▲TOP 回列表頁
  • 發表時間:2009-03-20 23:45 檢舉
    老實講,幾吸引,
    性價比幾高下寧願佢貴丁丁有埋wifi既話就更好
    04樓 ▲TOP 回列表頁
  • 發表時間:2009-03-20 23:48 檢舉
    好似個機身好易甩色咁既...
    05樓 ▲TOP 回列表頁
  • 發表時間:2009-03-20 23:49 檢舉
    HUNG 仔說:
    老實講,幾吸引,性價比幾高下寧願佢貴丁丁有埋wifi既話就吝/code]
    有埋 WiFi, 太貪心吧。
    多謝支持 ePrice.HK
    06樓 ▲TOP 回列表頁
  • 發表時間:2009-03-20 23:50 檢舉
    不過一千蚊可以買到 300M px AF, 又插卡, 雖然外表平實左, 但係都幾吸引
    07樓 ▲TOP 回列表頁
  • 發表時間:2009-03-20 23:51 檢舉
    keithyim說:
    有埋 WiFi, 太貪心吧。
    又wifi 都冇咩用啦 個screen咁細~~ 不過如果用黎做access point 又另一個講法
    08樓 ▲TOP 回列表頁
  • 發表時間:2009-03-21 00:14 檢舉
    呢部性價比 好強呀!!!!!!!!!!
    09樓 ▲TOP 回列表頁
  • 發表時間:2009-03-21 00:23 檢舉
    keithyim說:有埋 WiFi, 太貪心吧。
    部機係其他方面都交得功課
    我只好彈佢冇wifi啦
    Alfred說:
    又wifi 都冇咩用啦個screen咁細~~不過如果用黎做a
    咁又係...
    咁細個mon都睇得幾辛苦
10樓 ▲TOP 回列表頁
  1  2  >>  最終頁