Moto G5s Plus 新機上場!配雙鏡頭 + S625 處理器!
今次想講的主角是 Moto G5s Plus,近日正式開賣,建議零售價為 $2599。你可能會問:咦?乜有部咁嘅機㗎咩?唔知唔出奇,因為呢部手機並不是在所有大舖 / 零售商都有賣,只有蘇寧、csl.、SmarTone、Loyal 以及 Sunshine 等零售店舖有售。到底 G5s Plus 同上代的 G5 Plus 有甚麼分別呢?在外型上 G5s Plus 機身設計風格跟上代相似,採用了 5.5 吋 1080p 屏幕,配備了 Qualcomm S625 處理器,內置 4GB RAM 以及 32GB ROM,並支持最高 128GB microSD 擴充。比較明顯的不同,是 Moto G5s Plus 改用了雙主鏡頭,兩個鏡頭都是 1300 萬像素,光圈值有 F2.0,而前置鏡頭則為 800 萬像素。另外,Moto G5s Plus 具備 3000mAh 電池,並支持 TurboPower 快速充電,充電 15 分鐘就能使用高達 6 小時。還有就是,G5s Plus 支持 NFC 功能。不過,S625 仲賣緊 $2599 呢個價錢,會唔會略貴了一點呢?舊代的 G5 Plus 賣 $2199,不是更好的選擇嗎?網友認為呢?
平價雙鏡手機大比拼!小米 / ASUS 會更抵玩?
如果講到平價雙鏡手機,Moto G5s Plus 係咪真係最抵玩呢?當然不是,因為呢個世界仲有偉大的小米,將手機價格降低至一個相當親民的價錢。就好像早前香港開賣的小米 A1,首部同 Google 合作的 Android One 手機,跟 Moto G5s Plus 同樣用上原生 Android 系統,採用了 5.5 吋屏幕,配備 S625 處理器,內置 4GB RAM 以及 64GB ROM,並具有 2 個 1200 萬像素主鏡頭,支持 2 倍光學變焦功能。建議零售價不過是 $1799,比 Moto G5s Plus 有更好的配置,你會唔會選擇小米 A1 呢?如果唔睇小米 A1,台灣品牌華碩 ZenFone 4 Max Pro 又如何?香港賣價為 $1998,配置上並不突出,只有 S425 處理器,內置 3GB RAM 以及 32GB ROM,並配備了 1600 萬像素雙鏡頭。最大的賣點是它的 5000mAh 核電,基本用上一天不充電,應該都是完全沒有難度,還可以充當尿袋呢!
平價雙鏡手機,Moto G5s Plus、小米 A1、ASUS ZenFone 4 Max Pro,這三部手機當中,有無邊部你認為係值得考慮呢?留言討論下啦!
Moto G5s Plus 在文章發表時,賣價為 $2599,按這裡有詳細規格及最新賣價。
小米 A1 在文章發表時,建議零售價為 $1799,按這裡有詳細規格及最新賣價。
ASUS ZenFone 4 Max Pro 在文章發表時,賣價為 $1998,按這裡有詳細規格及最新賣價。