不過，翻查返歷史記錄，呢個價錢其實都做咗有一段時間，近一個月不斷喺 799 美金同 1399.99 美金之間上上落落，可能貨量唔多嘅關係。而文章撰寫時，部 RAZR 只係得返 15 部，今日訂貨預計 29 日抵達香港，而因為銷售方同運送方都係 Amazon.com 自己，所以如果產品有乜問題，都相對容易去追究退貨或者換貨。睇返香港水貨舖，有啲都仲報緊八九千蚊，咁 Amazon 可以免費運送到香港，咁點解唔自己買呢？
打開 Moto RAZR，會見到有 6.2 吋嘅 21：9 OLED Flex View 屏幕，而摺埋部 Moto RAZR 之後，亦都會見到有個 2.7 吋 Quick View 觸控式副芒，可以快速用副芒做一啲簡單嘅操作。其他規格部分，Moto RAZR 配備了 Qualcomm Snapdragon 765G 2.4GHz 處理器，內置 8GB RAM 以及 256GB ROM，不過電量就細啲，得 2800mAh。相機方面，Moto RAZR 配備咗 48MP 相機，支持 OIS 光學防震，支持 Quad Pixel 技術，低光靈敏度提升 4 倍，而自拍鏡頭則用返同一個鏡頭。
