S820 旗艦日系手機，Sharp P1 新低價，挑戰 Sony?
早排版主同大家提到，Sony 食住三星 Note7 的勢，趁機將 Xperia XZ 以及 X Compact 劈價搶客，當中的旗艦機種 Xperia XZ，細舖價比大舖便宜 $600，而有網絡商更做到「即減 $1300」的優惠，$4398 呢個價錢，的而且確是幾吸引嘅，相比 $5698 的建議零售價，呢個價合理得多。而同為日系手機廠商 Sharp，早前亦推出了一部 S820 旗艦手機 P1，水貨剛到港時，叫價 $5580，十足 Sony 的風範，將第一價抬高黎賣。而家都過左兩個幾月，Sharp P1 水貨價終於有調整，最新台水賣價約為 $4980，比 Sony Xperia XZ 的大舖價便宜 $400。Sharp P1 同 Sony Xperia XZ，如果俾版主揀會點選擇呢？P1 設計上沒有 Xperia XZ 咁方正，但顏色上 P1 的武藏藍相比 XZ 還要特別，真係一時間都好難揀得落手。網友又會點揀呢？
▲ 版主至今仍然覺得，P1 的武藏藍相當特別。
Pantech Sky IM-100 音樂手機，韓國品牌，日系風格！
大約都係兩個多月前，韓國品牌 Pantech 推出了一款 Sky IM-100 手機，雖然話就話係韓國品牌，但版主個人覺得，佢在設計上有點日系的風格，不知大家同唔同意呢？Pantech Sky IM-100 的定位，並不是強大的規格，講處理器佢只有 Qualcomm S430，對於追 specs 的網友來說，肯定不會欣賞。然而，呢部手機的重點是音效，配合跟機的 Stone 配件，最為實用，內建 Qualcomm WCD9326 音效晶片，支持最高 24 bit / 192K 嘅音效播放，並可以透過 Apt-X 技術，播放高品質的音樂。而呢部日系韓牌手機，剛到港時叫價成 $3780，而家只需約 $2480，就可以買到成套，網友覺得抵唔抵玩呢？
▲ 連埋個叫 Stone 的音箱，聽歌真係一流。
無限接近無邊框！一千蚊，又平又抵玩！
前排版主寫過一篇文章，係講 Sharp 在日本 CEATEC JAPAN 2016 (日本高新技術博覽會）上展示的 Free Form Display，當時出現了一部具備無邊框技術的手機，望落去非常靚，而且亦都吸引到不少網友。呢部展示的手機，未來會唔會推出，目前未知，不過，其實想玩真‧無邊框手機，其實上年 1 月左右，就有一部無邊框手機開賣－Sharp AQUOS Crystal，可能有網友唔記得，無聽筒位可以點聽電話，同大家重溫一下啦！其實呢部手機係用上了骨傳導技術黎聽電話，效果好過一般的手機聽筒，當時呢部手機叫價都要成三千以上，時隔一年多接近兩年，呢部手機已經跌到 $1180 呢個價位，真係大約一千蚊，就可以買到番去。可惜的是，規格放在今日來說，實在不夠看，只有 S400 ＋ 1.5GB RAM，網友又會唔會為左佢咁靚的外型，買呢部手機番去玩下呢？
▲ 版主都估唔到呢部手機而家仲有貨，而且個價都跌左咁多，由三千幾跌到而家 $1180，網友會唔會考慮入番部玩下呢？
鳴謝及查詢：三禾電氣 23740618 （旺角） 23740718 （銅鑼灣）