2K 芒 + 指紋解鎖 ! 六千有找 HTC One M9+ 版主上手試

Keith Yim 2015-05-17 19:37 | HTC
HTC One M9 都推出左一段日子,不過係香港真係唔算多人用,唔知大家係咪認同呢?HTC One M9 唔多掂,有人話定價貴卻由設計與功能,都做不到應有的效果。有人就話 M9 跟本唔係旗艦,唔想上錯船。咁版主最近玩緊嘅 HTC One M9+ 又如何?設計與 M9 是同 Grade,但擁有 2K  2560 x 1440 既屏幕,再加埋 M9 無嘅指紋解鎖與 Duo Camera 雙鏡頭, HTC One M9+ 你地又點睇呢?版主收到風,香港版賣價唔會破六,賣 $5998,應該會係比中國大陸及台灣賣得平,但都亦不能用「平」來形容。睇下版主嘅使用分享,會唔會吸引到你?

//timgm.eprice.com.hk/hk/mobile/img/2015-05/17/202095/keithyim_3_4542_6d7cd679511102065ca077dd5c26239a.JPG

M9 與 M9+ 分別
M9+ 與 M9 被 HTC 定義為「年度雙旗艦」,而型號多一個「+」,其實就係規格上面強化、加入了指紋解鎖功能和一些小改動,它在外型設計上基本上與 M9 非常相似,兩部機都採用了一體成型的金屬機殼,版主玩到嘅銀色版本,除了機背有髮絲紋以外,在側面還做了金邊,與 HTC One M9 的金色版本同樣。

HTC One M9+ 主要規格嘅 M9 相約,同樣採用 32GB ROM、3GB RAM,支援最大 2TB MicroSD 記憶卡。2840 mAH 電池是內置式設計。影相部份,M9+ 與 M9 都是採用東芝 Toshiba T4kA7 二千萬像素後置鏡頭,同樣是藍寶石外層,以防割花。前置鏡頭則是 400 萬像素 UltraPixel 相機。M9 與 M9+ 同樣有雙色温補光燈。HTC One M9+ 一樣內建前置 BoomSound 立體聲雙喇叭與 Dolby Audio 杜比音效技術。

HTC One M9+ 與 M9 不同地方,先講相機,就是多了如上年 M8 一樣嘅 Duo Camera 雙鏡頭,方便拍出景深、3D Diemension 等照片。此外。 M9+ 不是採用 Qualcomm 處理器,而係採用 MTK Helio X10 MT6795T 2.2GHz 八核心處理器。而 HTC One M9+ 的屏幕比起 M9 要大一點有 5.2 吋,而解像度也達到 WQHD / 2K(2560 x 1440)。M9+ 內建了 Home 鍵與指紋感應器的部份。HTC One M9+  支援中港的 4G TD-LTE 與 FDD-LTE 、3G WCDMA 比起 HTC One M9 更加入了 3G TD-SCDMA ,頻段支援算是很完整,不過沒有雙卡設計。

IMG_6368_結果.JPG 
▲ HTC One M9+ 與 M9 的設計方式基本上是一樣的, HTC 也號稱用了珠寶級的工藝去打造
 

機身設計

有人話「囧」樣下身太古怪,什麼條黑邊太粗,對於版主來說,由第一次上眼都唔覺係問題。至於 M9 機側「界」手問題,我用了 M9 與 M9+ 一段時間,只係第一次接觸會覺得唔係咁好,用落唔覺真係「界」,反而無 M8 與 One Mini 2 咁易滑手。而實實上,M9+ 跟 M9 有著同樣的金屬機身,而良好的造工,Detail 位做得好夠細緻。版主 Keith 個認為,除了 Apple,HTC 是掌握金屬機身最好的一個。大家可以睇睇圖片吧。

嘩,呢個版主 Keith,又來讚 HTC 讚到上天!設計呢件事,各人有各人的喜好,你可以繼續說 M9 好「囧」,反正用機是我不是你,你已經用行動投票:不用,不買!我就用得好開心,係呀,我有得用測試機,仲有月薪!當然,六千左右呢個價錢,若果要真金白銀去買,係咪值得又係另一件事,版主覺得,基於總總因素,只有 iPhone 才能開出如此高價,無論部機手工人幾好。
 

屏幕感覺

究竟升級 2K 芒係咪咁大好處?其實 2K 芒嘅手機,對於版主來說,唔算特別新鮮,記得上年用得最多比較多嘅 Oppo Find 7 就係 2K 芒嘅代表,跟 Full HD 1080p 相比,睇相係特別細膩嘅。係 HTC One M9+ 裡面,我都感受到同一效果。咪以為都係用上 SLCD,HTC 嘅手機,每一款屏幕效果都有唔同。以 M9 與 M9+ 比較,先不說相片嘅細膩度比較,係顏色表達方面,M9+ 以比較 warm 嘅色調示人,而 M9 是比較冷色。個人是比較 Warm 嘅色調,但屏幕顏色呢家野,只要不是太過份偏色,其實各人喜好也不同。版主只可以講,大家用上同一夥二千萬像素相機,係 M9+ 展幕顯示 2K 兼 warm tone 相片,會比 M9 Full HD 冷色調相片,更令人討喜。手機影相,十居其九都用手機屏幕跟朋友分享式傳閱,先不談 M9+ 與 M9 影嘅相係咪都係咁差,但 M9+ 屏幕表達出來,的確好好多 「輸機不輪陣」。

//timgm.eprice.com.hk/hk/mobile/img/2015-05/14/202079/unrealandy_1_4542_f01c8adc4f851a215d6b911283663441.png
▲ 金鑽銀色系採用了雙色設計,在側邊加上金色,其餘部分為銀色,側邊的配置與 M9 也是一樣的,有 microSD 記憶卡插槽、音量鍵與電源鍵;左側為 nano SIM 卡槽。

//timgm.eprice.com.hk/hk/mobile/img/2015-05/14/202079/unrealandy_1_4542_802d0629ca6da69ce408c56ff158a433.png
▲ 底部有 micro USB 連接埠以及 3.5mm 耳機孔,頂端則有 IR 紅外線遙控器。

IMG_6363_結果.JPG IMG_6366_結果.JPG
▲ HTC One M9+ 有銀與灰二種色系,銀即是 M9 個隻銀色有金邊,而灰即是上年 HTC One M8 個隻灰。

//timgm.eprice.com.hk/hk/mobile/img/2015-05/17/202095/keithyim_3_4542_83be79acb02ca8f9aaed8a9639a03ef5.JPG
▲ 有人話 M9+ 相機部份的圓形太大, 用左一個星期嘅版主,見得多就習慣左,反而覺得比起 M9 四方形相機更好睇。

//timgm.eprice.com.hk/hk/mobile/img/2015-05/17/202095/keithyim_3_4542_dec0fa9ef1e7c2117d45c5cf35482bb6.JPG
▲ 左至右:HTC One M9+、M9、E9+ 與令人好懷念嘅 One Max。由機身大細可見,採用 5.2 吋屏幕嘅  M9+ 唔算好巨型。 
 

試用指紋解鎖

HTC One M9+ 加入了係 HTC 手機裡,被人遺忘嘅這指紋辨識器,有別於上作 HTC One Max 放係機背,今次放係機前面,令機底成了「囧」字樣,未談功能,先輸樣 (至少好多網友有咁嘅意見)。其實,指紋辨識器係唔錯嘅設計,而今次 HTC 亦不是單單把 One Max 個套,引進 M9+,新的辨認器是 360 度全角度,唔駛依照指定角度可用來解鎖手機,採用與 iPhone 6 / Galaxy S6 一樣的輕觸式設計,唔使再好似 HTC One Max 的指紋辨識器咁要用「掃」既方式解鎖。除左驗證指紋之下,輕觸一下感應器會有 Home 鍵的作用,可回到主畫面,雖然它有點凹槽,但它是感應式而不是按壓式按鍵。版主試用七日,使用率甚高,無論把手機放在枱上,或舉起手機時,也會用到。指紋解到銷成功機會率達 95%,不成功主要因為手指太污漕或有水影響。這個指紋解鎖方便功能,亦令版主肯會長用 M9+ 而不用 M9 嘅其中一個原因之一。

IMG_6372_結果.JPG IMG_6403_結果.JPG
▲ HTC One M9+ 的指紋辨識器,並有 Home 鍵的功能 (當不唔用指紋解鎖,呢個掣支援 Home 鍵)。支援五隻手指註冊,指紋辨識作用為解鎖手機。

//timgm.eprice.com.hk/hk/mobile/img/2015-05/17/202095/keithyim_3_4542_f1bfc531f38c0cb7b6c4df88e50a4894.JPG
▲ 單手機解機鎖,用指頭安一按機面按鍵就可以,方便吧。


▲ 都係用 Video 示範,先睇到 M9+ 指紋解鎖準定唔準。
 

20MP 雙鏡頭景深相機!景深相片只能拍 408 萬像素!

HTC One M9+ 在相機部分規格大多與 M9 相同,主相機為 2000 萬像素背照式感光元件,具備 F2.2 光圈、27.8mm 廣角與 4K 錄影能力;前相機為 400 萬像素 UltraPixel 感光元件,具備 F2.0 光圈、26.8mm 廣角與 1080p 錄影能力。而 M9+ 與 M9 最大不同,是 M9 繼承了 M8 的景深雙鏡頭相機設計。不過 M9+ 的景深照片功能並不是隨時開啟,而是要在相機介面中切換到「雙鏡頭模式」,而且拍出來的景深相片只有 408 萬像素,並不是 2000 萬全像素,這跟之前 Butterfly 2 有點相似。M9+ 跟 M9 一樣,拍攝到 RAW 格式相片嗎?答案是否定的。版主問過 HTC,RAW 格式支援,暫時只可以用於 M9 裡面,其他用相同嘅東芝感光元件相機,也不會開發此功能。 

至於呢粒東芝 T4KA7 感光元件,不少報告都䛏認為是應該可以拍到不錯嘅相片,只係 HTC 不太識點樣 turn 好佢。以下版主嘗試用 XDA 論壇流傳嘅方法,包括將拍攝比例設定為 10:7、調至 1000 萬像素、將 Sharpness 調低一度,最重要限制最高 ISO 值不能高於 400,再看看 M9+ 拍攝效果如何?

IMG_6370_結果.JPG
▲ HTC One M9+ 採用 2000 萬像素主相機,跟 M9 一樣,採用東芝 T4KA7 感光元件,並且具備之前 M8 的雙鏡頭景深相機與雙色溫補光燈。

IMG_6397_結果.JPG
▲ 雙鏡頭模式可調整的選項不多,而且只能拍攝 408 萬像素照片。 

//timgm.eprice.com.hk/hk/mobile/img/2015-05/17/202095/keithyim_4_4542_3278c934c8584e2be33e4fdc404547cb.jpg //timgm.eprice.com.hk/hk/mobile/img/2015-05/17/202095/keithyim_4_4542_4ee721716ec0020954b80a0738523e2a.jpg

//timgm.eprice.com.hk/hk/mobile/img/2015-05/17/202095/keithyim_4_4542_076c253342128f0e4c0b4a203dcdbe9b.jpg //timgm.eprice.com.hk/hk/mobile/img/2015-05/17/202095/keithyim_4_4542_772c889dd98b22b8e4350b73b298a414.jpg

//timgm.eprice.com.hk/hk/mobile/img/2015-05/17/202095/keithyim_4_4542_9049af95aa5ffaf0f103c16ab8d11762.jpg //timgm.eprice.com.hk/hk/mobile/img/2015-05/17/202095/keithyim_4_4542_ac0c9114e1deb27f2f90e2c7f0a33570.jpg
▲ 以上用了 XDA 論壇「Setting Mode」拍攝嘅相片。效果係點,我不評論了。

//timgm.eprice.com.hk/hk/mobile/img/2015-05/17/202095/keithyim_5_4542_faab4ae699c8ea1baac2aff7ccfa817c.jpg

//timgm.eprice.com.hk/hk/mobile/img/2015-05/17/202095/keithyim_5_4542_14a78742d0e835f6ca63cb1bf3c9f2f1.jpg

//timgm.eprice.com.hk/hk/mobile/img/2015-05/17/202095/keithyim_5_4542_644e8127b7cc118f006e39dfd345451e.jpg


//timgm.eprice.com.hk/hk/mobile/img/2015-05/17/202095/keithyim_5_4542_415a18c65f189e652d5815a1b9a01db0.jpg
▲ 兩組用雙鏡頭拍攝嘅景深相片,效果好顯著。
 

MTK Helio X10八核心處理器

HTC One M9+ 採用一個 MTK Helio X10 2.2GHz 八核心處理器,除了支援 64 bit 外,也是 MT6795 系列處理器中最高階的,手機配備 3GB RAM / 32GB ROM,跑分方面安兔兔得出來接近五萬分,低過 E9+ 少許,大約是Qualcomm S810 八核 CPU 的八成功力,但其實比起上年嘅 S801 CPU 效果相約。

//timgm.eprice.com.hk/hk/mobile/img/2015-05/17/202095/keithyim_5_4542_24d6c1245e7b454b8d035b8cc58cfe78.jpg
▲ AnTuTu 係GPU 分數為 9096 好多網友話唔滿意。

//timgm.eprice.com.hk/hk/mobile/img/2015-05/17/202095/keithyim_5_4542_5075f7275d9d3b1bdd18377bbeeca9b5.jpg
▲ 係 Vellamo 測試中,M9+ 係瀏覽器嘅排行,唔算高。反以用 CPU 作效能測試嘅多核及金屬分收,都係唔錯。

//timgm.eprice.com.hk/hk/mobile/img/2015-05/17/202095/keithyim_3_4542_46529232015881c1d1db6ed4a10c0314.jpg
▲ 用來測試 3D 遊戲效能嘅 Basemark 2.0 ES 分數係 47.51fps,只能說是中上。之前測用 S615 CPU , Sony Xperia M4 Aqua,用 720p 芒,有五十幾分架。

//timgm.eprice.com.hk/hk/mobile/img/2015-05/17/202095/keithyim_5_4542_f0de381c4eba9b3841568908c6fd2abb.jpg

//timgm.eprice.com.hk/hk/mobile/img/2015-05/17/202095/keithyim_5_4542_5b26511dc219b2cb6d4f7e33e9e8e8bc.jpg
▲ 好多人會懷疑,MTK 處理器,係咪好唔省電。版主用過,最長紀錄一日用到 12 小時,呢日我開了省電模式,屏幕調至 1/4 光度,開屏幕時間唔算多,但都有聽一小時 Spotify 打十五分鐘電話。亦試過只用七至八小時,呢日無開省電模式,屏幕調至最光,更有一小時用來做 Tethering 分享 4G 上網。事實說了,網友你自己評論係咪好食電。


▲ 版主用「狂野飆車8:極速凌雲」作測試,大家睇下有無 Lag 機 (當然,版主平時唔打機,撞死車唔好笑我)。版主調至最光玩了十五分鐘,大約用了 5% 電量。
                      

版主小結:嘩,我無咁勇去讚 M9 系列

老實講,版主用過 M9 用過 M9+ 我會比較喜歡 M9+ 主要係 5.2 吋 2K 芒,表現出來的確唔錯,字體大隻,色彩都 OK。相機呀,經過 XDA 論壇 HTC 支持者教了如何遷就呢個 HTC Tune 得唔好嘅相機,又唔影二千萬像素相片,其實效果係有改善,我仲收左貨個種。效能呀,我好滿意了,而本來以為我唔唔會多用嘅指紋解鎖,亦因為改了在前方,真係會用。(HTC One Max, Oppo N3 等等我都唔會用)。

你問我推唔推薦呢部機,我點敢去推呀!六千蚊,應該要有 iPhone 嘅質素,至少呢部機,相機部份唔得,iPhone 我用過,iPhone 5c 影相都仲得,同埋都肯定 LG G4 影得比 M9、M9+、E9+ 仲好。指紋部份又除了 Unlock 個 screen 無其他功能。六千蚊 S6 Edge / S6 更多野玩喎,再讚佢,我又變了 HTC 打手。我先無咁傻,死都唔會推介。

最後,你用上面嘅短片、相片、數據去想想吧。選擇咁多,無話一定要揀呢部個部。係咪先! iconiconicon

在文章發佈的時侯, HTC One M9+ 定價仍未公佈,按這裡知道更詳細規格及最新賣價

相關產品 (1)

相關報導 (10)

旗艦主鏡頭大比拼! S6 Edge、G4、M9+ 同場較量!

旗艦主鏡頭大比拼! S6 Edge、G4、M9+ 同場較量!

眼見智能手機既鏡頭越黎越勁,咩大光圈、背照式感光元件,雷射/相位對焦,雙鏡頭。。。基本上咩都出齊咁濟。功能上更比傳統相機好玩得多,模擬景深,全景拍攝,自拍HDR等等,所以好多人甚至將手機取代傳統相機做日常拍攝。但究竟云云眾多部手機所配備既鏡頭模組,在畫質和性能表現上有什麼分別呢?台灣版主丹尼爾同大家分享一個旗艦手機大比拼,包括LGG4,SamsungS6Edge和HTCOneM9+!究竟最後三者既鏡頭表現係點?

YKer | 2015-07-19
杜比真係靚聲 D :  HTC One M9+ 雙喇叭效果挑戰同級 M8

杜比真係靚聲 D : HTC One M9+ 雙喇叭效果挑戰同級 M8

HTCOneM7開始,HTC幾乎每一款手機,也加入BoomSound前置雙立體聲。BoomSound也成為了最多人讚,而其他手機都學不到的手機招技。係HTCOneM9與M9+裡,加入了Dolby音效,到底效果有無提升,或者變差?今日YK找來HTCOneM9+與M8來比一比。

YKer | 2015-06-16
2K 芒 + 指紋 HTC One M9+上市,細舖平六舊! M9 新低價

2K 芒 + 指紋 HTC One M9+上市,細舖平六舊! M9 新低價

今日HTCOneM9+香港行貨正式上市!今日HTC亦把大型連鎖店的廣告,都換上了「五月天」以雙旗艦作為宣傳口號的紙牌!乜鬼雙旗艦呀,其實就係外型差唔多,都係金屬一體式機身,依然銀色金邊作為主打顏色嘅HTCOneM9與M9+。叫得雙旗艦,應該一樣價或者唔會差好遠,但事實上,兩部機官方定價係一樣,但你實際入手,賣價已差一千咁多。

Keith Yim | 2015-06-03
真旗艦? 2K 芒 + 指紋解鎖 HTC One M9+ 售價公佈唔破六

真旗艦? 2K 芒 + 指紋解鎖 HTC One M9+ 售價公佈唔破六

HTC另一款旗艦產品:HTCOneM9+。今天27/5HTC香港也宣佈係香港推出。除了在電器店有售,網絡商部份,會有csl.優先發售。HTCOneM9+會推出銀金與黑灰色系,賣價與之前版主爆料一樣,六千有找

Keith Yim | 2015-05-27
2K 芒 + 指紋解鎖 !  六千有找 HTC One M9+ 版主上手試

2K 芒 + 指紋解鎖 ! 六千有找 HTC One M9+ 版主上手試

HTCOneM9都推出左一段日子,不過係香港真係唔算多人用,唔知大家係咪認同呢?HTCOneM9唔多掂,有人話定價貴卻由設計與功能,都做不到應有的效果。有人就話M9跟本唔係旗艦,唔想上錯船。咁版主最近玩緊嘅HTCOneM9+又如何?設計與M9是同Grade,但擁有2K2560x1440既屏幕,再加埋M9無嘅指紋認証與DuoCamera雙鏡頭,HTCOneM9+你地又點睇呢?版主有幸玩到國際版,睇下使用分享,會唔會吸引到你?

Keith Yim | 2015-05-26
HTC One M9+、LG G4、Samsung S6 Edge 前相機比較測試

HTC One M9+、LG G4、Samsung S6 Edge 前相機比較測試

而今年起,就連旗艦智慧型手機都不得不開始重視自拍這股強大需求,各廠最新的旗艦機,包含HTCOneM9+、LGG4、SamsungS6Edge,大家都將自拍功能作為吸引消費者的主力之一,除了高畫素,甚至講究到要有廣角、有大光圈,或者更多更順手的拍照功能都不能少。

Keith Yim | 2015-05-25
2K 芒比拼!LG G4、三星 S6 Edge 、HTC E9+ 、M9+ 鬥屏幕

2K 芒比拼!LG G4、三星 S6 Edge 、HTC E9+ 、M9+ 鬥屏幕

有幾多仲用緊1080全高清屏幕既手機?版主都要舉一舉手(我正在用的是HTCDesireEye),不過2K芒推出都一段日子,市場上面都已經有唔少選擇啦。就好似尋日發佈既LGG4或者係今日既HTCOneE9+,都係用緊同樣既高清解像度,不過可能有網友問:同係2K屏幕究竟顯示有幾大落差呢?版主就試下比拼幾部2K芒既機皇比大家睇睇啦!

Eddie | 2015-05-13
跑分破五萬! 賣價平千四!  HTC One E9+ 好好 J 圖賞

跑分破五萬! 賣價平千四! HTC One E9+ 好好 J 圖賞

版主用左HTCOneM9一陣子,唔係話唔好用,介面、功能、操作沒投訴,連最難攪個部份:相機拍攝效果,版主都有計優化佢。只係無論版主點樣推,網友都會覺得,一部接近六千蚊嘅手機,要做到「Perfect」先收貨。HTCOneM9絕對交唔出六千蚊應有水準,怪不得大舖都唔理,先減為先。台灣與中國大陸都開賣M9嘅細佬E9+,以台灣開價計,平香港版M9成千蚊,除了唔係鋁合金一體成型,配置效能都係M9貨色,識貨嘅,當然等呢部,價錢平左,效能好左,香港人最識揀!

Keith Yim | 2015-04-25
HTC 高層解畫 : 三款 M9 大不同 + 爆設計師離職內幕

HTC 高層解畫 : 三款 M9 大不同 + 爆設計師離職內幕

HTC昨天發佈了HTCOneM9+與E9+。這兩款手機跟之前的M9分別不大,但又好像比較吸引。裡面有不少令人不解的東西。為什麼M9+與E9+與M9那麼相似,卻要出三個型號?為何要選用MTK處理器。為何M9沒有雙鏡頭,也沒有指紋解鎖?還有。。。HTC怎樣解釋總設計師離職,HTC怎樣對待如小米的新興手機公司?ePrice.HK得到一份HTC中國大陸「專訪新聞稿」,裡面有HTC產​​品部總監JustinZhang張斌為大家解答總總問題。

Keith Yim | 2015-04-09
2K 芒 + 全新 64bit 八核處理器! HTC One M9+ 跑分曝光

2K 芒 + 全新 64bit 八核處理器! HTC One M9+ 跑分曝光

傳了一段時間,HTCOneM9嘅兄弟機:HTCOneM9+與HTCOneE9+同時發佈!呢兩款手機與M9設計好相似,但令HTCFans留意地方,除了兩款手機都用上2K解像度屏幕,更是首度於旗艦手機,用上MTK處理器。HTCOneM9用上QualcommSnapdragon810八核心處理器,雖然是最新,但不少網友覺得升級不算大,亦因為發熱問題,發揮唔到最佳效能,而用上MTK處理器又點點呢?網上已有HTCOneM9跑分,一齊睇睇。

Keith Yim | 2015-04-08

最新新聞