三合一 相機升級! HTC One M9+ 極光版開售定案 + Butterfly 3 去向

Keith Yim 2015-10-14 12:46 | HTC
如果你一見 HTC 就 Help This Company,三下巴好難睇,版主請你現在離開!呢段 News 與你無關,亦唔需要你嘅 Comment。版主早前已爆左 HTC One M9+ 極光版嘅售價,同埋有講過好多網友想知嘅 Butterfly 3 香港發售消息,今日有定案了!

//timgm.eprice.com.hk/hk/mobile/img/2015-10/14/203550/keithyim_1_4542_430e9f018361596be6441853e4842428.jpg

HTC One M9+ 極光版五千有找

乜叫極光版?英文叫 Supreme Camera Edition,至尊相機版本,對,個名要勁 D 才夠別廠嘅「全世界最強」去比較架呀。都係唔明?台灣網友會用「三合一相機」來形容今次 HTC One M9+ 嘅升級。HTC One M9+ 極光版配備相機,由東芝嘅鏡頭,改為 Sony IMX230 感光元件:拍攝像素稍為升級至 2100 萬,但加入了三大令相片效果提升嘅元素,包括鐳射對焦、相位相焦,與 OIS 光學防手震。有齊呢三樣嘅相機,應該只有三星 S6、Note 5 系列。若果學某品牌嘅 Marketing 哲學,一早已可以 Cliam 全世界最強了,當然要打粒 * 寫住係二千一百萬像素裡面,仲有齊呢幾樣功能先至得。講當然天下無敵,實際又點?咁版主又唔會再三強調呢部機係「壓倒性擊敗」邊款邊款,因為我寫係無用。大家可以睇睇之前版主 Jason 嘅評測,有 M9+ 相機升級版與 Note 5 嘅相機比拼。仲有一個旗艦手機機盲測,俾大家估下邊款係影相最好嗎

HTC One M9+ 極光版會係十月底上市,賣價為 $4998,單卡版本,支援 4G LTE ,亦係五模多頻手機,可做到中港 3G 4G 話音及數據漫遊。

Butterfly 3 無消息 中價 E9 Dual SIM 出場

一如之前分享,今日 HTC 只公布 M9+ 極光版購買方式,新聞稿未有提及 Butterfly 3,到底最後會否在香港引入,留待稍後更新。不過,今日出多左部 HTC One E9 Dual SIM,個名咁熟,因為佢係 E9+ 嘅少少降呢版,相機唔再係東芝二千萬,變左 1300 萬,唔係 2K 芒,變左 Full HD 芒,都係用 Helio X10 CPU,但只有 16GB ROM 及 2GB RAM。E9 Dual SIM 係雙卡雙待中港 3G 4G 手機,支援 TD-LTE 及 TD-SCDMA 中港漫遊。

IMG_8070.jpg

HTC One M9+ 相機升級版,係文章刊登時,賣價為 $4998,按這裡有更詳細規格與最新賣價
HTC One E9+ Dual SIM ,係文章刊登時,賣價為 $2898,按這裡有更詳細規格與最新賣價

相關產品 (2)

相關報導 (8)

清貨價 二千中即入手! 上代旗艦手機  八核心 + 二千萬相機  

清貨價 二千中即入手! 上代旗艦手機  八核心 + 二千萬相機  

早幾日版主虎仔引用了PhoneArena網站嘅手機相機測試,結果顯示,最高像素嘅款式,未必等於影相最靚嗰部。但其實,一如版主係下面嘅評論都有話,家陣的旗艦手機相機,質素差距唔會好大!再者,像素影得越大,其實Chop出相中細部份用來Share也是一個不錯用途。加上,若果機價只係二千蚊,係咪立即搶得過?版主搵到兩款!

Keith Yim | 2016-07-20
二千萬像素相機手機最平二千中 | Sony Z5 系列大舖狂減

二千萬像素相機手機最平二千中 | Sony Z5 系列大舖狂減

手機嘅相機,最高可以影到幾多像素?其實幾年前已去到二千萬像素,不過,來來去去似乎只有Sony!上年起,唔少廠都加入了採用!二千萬像素有乜好?好簡單,一張大像素嘅相,Chop出來細Part睇,用來Share都夠晒用!況且,市面上嘅型號,差極都有個普!事實上,影到二千萬像素嘅相機手機,都唔會好貴!Sony本身Z5Premium大舖而直減二千。又有另一款,減到二千中就有!

Keith Yim | 2016-07-09
10 明天賣!HTC 全線大鋪劈價,最多減 $1500 鬥華為 P9!

10 明天賣!HTC 全線大鋪劈價,最多減 $1500 鬥華為 P9!

之前同大家提過,HTC10最快會係5月6號開賣,但大家都見到,HTC最後都未能趕及係今日推出呢部年度旗艦。不過心急想入手的朋友都唔使擔心住,一來HTC10要推遲開賣,都只不過係遲多幾日。而且更重要係,HTC不論係高階、中階還是低階的手機,都係大鋪劈價促銷。另外華為P9亦都有平價入手方法。想知有幾抵玩就要睇下文啦!

Lawrence | 2016-05-06
「毒」家試探: 拍攝海洋公園 評測用乜手機?

「毒」家試探: 拍攝海洋公園 評測用乜手機?

YK仔我呢排生日,唔係想呃網友一句生日快樂,只係想分享下我既「毒家」評測,本來無打算分享,但後來覺得有野不吐不快。是咁的,咁岩見到海馬公園的生日優惠:壽星仍然係免費,但四位朋友就變左七折優惠。以往半價都唔會有朋友陪你入場玩,皆因星期一到五版主們都要如常返工,星期六日就鋪天蓋地大陸遊客,見到都無性趣行多一步,更何況「加價」到七折就更加唔好指望會「科水陪巴打」既巴打。本着「有得食唔食罪大惡極」既信念,我決定落實「陰雲滿布之星期二之YK生日版之海馬公園一日遊」。

YKer | 2016-04-09
三合一升級! HTC One M9+ 極光版開售 + Butterfly 3 去向

三合一升級! HTC One M9+ 極光版開售 + Butterfly 3 去向

如果你一見HTC就HelpThisCompany,三下巴好難睇,版主請你現在離開!呢段News與你無關,亦唔需要你嘅Comment。版主早前已爆左HTCOneM9+極光版嘅售價,同埋有講過好多網友想知嘅Butterfly3香港發售消息,今日有定案了!

Keith Yim | 2015-10-14
盲選 iPhone 6s Plus、M9++、G4、Note 5 邊部影得靚

盲選 iPhone 6s Plus、M9++、G4、Note 5 邊部影得靚

今次ePrice台灣搵了AppleiPhone6sPlus、HTCOneM9+極光版、LGG4、SamsungGalaxyNote5這四款手機,比拼相機實拍,並且透過盲測的方式,等大家估下邊部打邊部。不過,我們今次用縮圖及放大部份,等大家估下

Keith Yim | 2015-10-12
用 Sony 感光元件!  HTC One M9+ 極光版終極挑機 Note 5

用 Sony 感光元件! HTC One M9+ 極光版終極挑機 Note 5

HTCOneM9是災難,打落全個系列都係災難,相信用未Tune好的版本給媒體試機,亂請人去海外發佈會試玩,兼觸怒對他們要好的媒體有關。今次HTC再發佈改版M9+,名為極光版,即是把相機由東芝模組,改為SonyIMX230,再加入光學防手震與極速相焦技術。HTC今次好開放地給台灣要好媒體測試。有無跟大半年前M9一樣有災難?有圖有片有真相。遲了半年救災,還有沒有得救?睇睇M9+極光版的實力吧。

Keith Yim | 2015-10-03
O.I.S 光學防手震 + 雷射對焦! HTC One M9+ 極光版發表

O.I.S 光學防手震 + 雷射對焦! HTC One M9+ 極光版發表

HTC係咪計錯數?明明M9系列都全用了二千萬像素鏡頭,但發佈時的軟件失誤,令人覺得M9系嘅相機全部係爛相機!點算好?咪改改囉。HTC係今日9.29發佈了M9+嘅相機升級版,名字有點怪,叫HTCOneM9+極光版!價錢都唔平,點樣極光呢?

Keith Yim | 2015-09-29

最新新聞