首先要提的，是近期豐澤的減價活動——都唔係乜特別，係每星期都有的「出招劈價」。今次劈價的手機型號有 HTC Desire 12+，豐澤網店以 $1498 這個價錢出售，相比大舖平多 $300，呢個價又可唔可以接受呢？Desire 12+ 用上 6 吋 18:9 屏幕，不過解像度就只有 720p，勝在唔係用 MTK U，而係用 Qualcomm S450 處理器，內置 3GB RAM 以及 32GB ROM。另外，Desire 12+ 亦有雙鏡頭設計，兩個鏡頭分別為 13MP 以及 2MP，並支持 PDAF 相位對焦。
除咗 Desire 12+，千元價位仲有無咩其他選擇呢？差不多價位之中，Nokia 3.1 Plus 都可以列入考慮行列，同樣 6 吋 HD+ 屏幕，可惜在是用 MTK Helio P22 處理器，同樣有 3GB RAM 以及 32GB ROM，並且一樣係有雙鏡頭設計，最好的地方是用 Android One 系統。唔介意再畀貴少少，可以考慮華為 Y9 (2019)，$1888 用 Kirin 710 U，內置 4GB RAM 以及 64GB ROM，而且屏幕再大一點，有 6.5 吋 1080p，配置上相信會比起 Desire 12+ 以及 Nokia 3.1 Plus 更好。
當然，你要性價比最高，都係不能不提小米。好似紅米 6、紅米 Note 6 Pro 等，都係千元價位手機，配置上不比以上提及的手機差，但正正是因為小米，你又會唔會揀佢呢？
HTC Desire 12+ 在文章發表時，大舖賣價為 $1798，按這裡有詳細規格及最新賣價。
Nokia 3.1 Plus 在文章發表時，大舖賣價為 $1688，按這裡有詳細規格及最新賣價。
華為 Y9 (2019) 在文章發表時，大舖賣價為 $1888，按這裡有詳細規格及最新賣價。
紅米 6 (4GB + 64GB) 在文章發表時，賣價為 $1299，按這裡有詳細規格及最新賣價。
紅米 Note 6 Pro 在文章發表時，賣價為 $1799，按這裡有詳細規格及最新賣價。