講緊嘅係 HTC U11 Life。呢部機好特別，首先，佢係香港無賣過行貨，主要係賣美國市場，都推出咗幾年架啦，嗰陣仲係用緊 Andriod 8。不過，佢亦係唯一一部 HTC 用 Android One 系統嘅手機，所以比起 HTC U11 都快有得升級 Android 版本，而至少你加陣買，都用到 Android 9。雖然，佢係用 Android One，但擁有唔少 HTC 手機特色，如跟 U11 一樣，支援側面操控 HTC Edge Sense；亦支援 U Sonic 音效，跟機嘅 USB-Type C 耳機，仲有 Hi-res Audio 認證，當然，U11 Life 都支援高清音效輸出。而佢亦支援 NFC，用到 Google Pay 相信係另一個賣點。
今次係 Amazon 清貨嘅係藍色版本，外型勁似 U11，都係 Liquid Surface 設計，好有 HTC 特色。 3GB + 32GB ROM 版本，用上 Qualcun S630 慳電 CPU，但比較可慳可能是電量，得 2600mAH 電池，相機就係單鏡頭，背前都係1600 萬像素配備 F2.0 光圈。
提一提，今次減價係美國 Amazon Store，當然無原廠保修，但就免運費送到香港。另外，U11 Life 德國及日本版都得到 Andriod 10 升級，美國版有無同樣福利就未知知素。雖然是美版，但支援香港 4G LTE，包括 B1 (2100)、B3 (1800)、B7 (2600)，係香港用 4G 基本都無問題嘅。