細舖突然重推三年前舊貨?千一蚊清死貨 非大陸品牌
|
Asus
呢部三年前嘅舊機,講緊嘅係 ASUS ZenFone 3 128GB,見到 ASK OUTLET 突然重推呢部手機,用 $1099 呢個價錢出售,呢個價錢買部非大陸品牌低階手機,假假地都叫有 S625 處理器,而且仲話有一年香港保養,會唔會都係一個選擇呢?
▲ 格價網寫到係行貨,仲要係「Limited Edition」,而且上市日期「2020 年 1 月」!?????
不過,版主當然唔會格價網寫乜,我就信乜,睇完都要經過自己多方面查證。據知,ASK OUTLET 曾經是 ASUS 特約零售商之一,係 ROG Phone 同 ZenFone 6 無畀佢哋賣,不過佢哋都表示,今次呢部 ZenFone 3 並非由 ASUS 出畀佢哋賣,所以並唔會有官方原廠保養,即係佢所謂嘅「一年香港保養」,只係 ASK 佢哋自己保,如果大家行過見到,要記得要特別注意。
如果唔記得 ZenFone 3 係乜料子,可以睇返 ePriceHK 資料庫的詳細介紹。