呢個係有聲 Post,按入即聽內容
傳聞嘅係 ASUS ROG Phone 5 跑分數據喺 Geekbenck 5 資料庫流出,運行 Andoird 11 又搭載一款 8 核心 基礎頻率 1.8GHz 的處理器,單核心跑分 1131 分、多核心跑分 3729 分 ,睇跑分估計係 S888 頂級旗艦處理器, 仲配備 16GB RAM,隨時比你屋企部萬年 Desktop電腦,有更多嘅記憶體。
其實 Asus Rogphone 5 真機已經係中國工信部網站圖文並茂流出晒喇。超大 6000mAh 雙電池方案,係旗艦機黎講係頂級,支持 65W 快速充電。 咁大電量,個芒都自然大,6.78 吋 OLED 屏幕。 大芒、大電、勁 U ,絕對係電競手機必備大三元。
咁呢部野到底幾時發佈呢? ASUS 之前 post 左一個星座做背景的宣傳圖,我就對星座唔熟,但問朋友就發現原來係白羊座聖鬥士。 白羊座其實係 3月尾到 4月中,唔知係咪代表 ASUS ROG phone 5 將會係呢段時間發佈呢?