Apple 早前突然招聘 Buzz Marketing Manager（口碑營銷經理），講到明新的職位要令到 Apple 產品在電影電視節目，名人、明星手上出現，定期製造曝光和話題。其實 Apple 產品不時都出現在名人明星的手上，電影電視節目亦經常見到，Apple 此舉無疑是感受到壓力，希望透過聘請新人，令 Apple 產品成為娛樂圈內的潮物。
▲ 新職位要求好高，證明 Apple 非常重視。
新職位要求應徵者在娛樂事業，尤其是電視媒體有 7 至 10 年的經驗，熟知電視和影圈運作。人脈網絡夠強之餘，還要有好的交際手腕，又要懂得控制預算，總之絕不簡單。唔知 Apple 香港有冇類似職位需要請人呢？《愛. 回家》會唔會突然間全部角色換晒 iPhone 呢？
▲ 3 香港一早已經利用明星效應 sell iPhone，連夏蕙 BB 都搵得到，Apple 應該考慮下向 3 香港挖角！
資料來源：Business Insider