MSN用家必裝。iPhone可背景執行程式!

史提芬夫 2008-10-03 09:48 | Apple
[img]//timgm.eprice.com.hk/hk/mobile/img/2008-10/03/19054/stevenfoo_2_eb1efc29e500d5fd958a78ca0c8ebe56.jpg[/img] iPhone的問題之一,是背景不能執行程式。本來都無乜野,但對於要玩MSN的用家來說,都幾麻煩。玩MSN時唔能夠做其他野,一開其他程式個MSN軟件就自動關閉和登出,咁樣唔係好切合一般人「一心幾用」的性格。蘋果話將來會有Push技術,就算大家行緊其他程式,都會與伺服器保持連線。一有任何新訊息,iPhone會即時通知用家。可是直至最近的2.1 firmware,仍未見有類似的技術。都唔知要等到幾時。 而家終於唔駛等,因為係Cydia入面有隻叫Backgrounder的軟件,可以把任何官方的軟件,真正保持係背景執行。 呢個軟件有咩咁勁呢?假設你開了Palringo,跟住用其他程式,Palringo雖然會保持你Online的狀態,但係有任何新訊息,你都唔會即時知道。你要開番Palringo,等佢Resume session先得。但有Backgrounder後,只要禁住Home Button一陣,出現上面個句野之後,就可以繼續玩其他程式。 當有任何訊息,Palringo都會即時通知到用家。因為往之前唔同,而家係真正在背景執行。就好似Windows Mobile或其他智能機咁,可以係背後行到程式,一有咩事都即刻通知到你。 程式有幾實用大家真係要裝左佢體驗下。而家iPhone背景都可以keep住行Palringo或其他官方程式,相信大家會玩得更加開心。

最新新聞