[無需修改檔案]安裝美國獨有的Google Earth

史提芬夫 2008-11-04 00:28 | Apple
[img]//timgm.eprice.com.hk/hk/mobile/img/2008-11/04/20067/stevenfoo_2_02856c89afbd4205c8b7646909687db8.jpg[/img] Google Earth在美國App Store上場後,等左咁耐香港App Store仍然未見其縱影,亦即係話,目前Google Earth只允許美國用家下載安裝,香港用戶無計無得用。 網絡上目前流傳的方法,是透過Jailbreak再加修改MobileInstallation檔案解決問題,可是對於一般用家來說,這極有可能算是高難度的動作。不過無緊要,其實可以好簡單就搞得掂。完全一個file都唔駛掂,你只[u][b]需要有多一個免費電郵地址[/b][/u],以及少少時間開多個美國iTunes戶口就得。 平時要有美國信用卡先開到美國iTunes戶口,但我史提芬夫係度分享,就唔會好似某D電腦書咁,咁傻叫大家去拍賣網bid一張什麼Redeem Card。 我史提芬夫教大家當然完全免費,同埋你係香港人都用到! 原理係:在美國開iTunes戶口 > 下載程式 > 同步至 iPhone > 用番原有的香港iTunes 戶口 > 成功! 以下用 Mac示範,但Win版根本一樣。 Step 1. 在iTunes先登出所有戶口,在底部選擇美國的Store。 [img]//timgm.eprice.com.hk/hk/mobile/img/2008-11/04/20067/stevenfoo_2_57ab86ba91c5e0730e0a11792a06dda4.jpg[/img] Step 2. 隨意揀一個你想download的[u][b]免費[/b][/u]程式(記住要免費!)。就Google Earth吧! [img]//timgm.eprice.com.hk/hk/mobile/img/2008-11/04/20067/stevenfoo_2_03f721efdf597a8e03fae643988ece1b.jpg[/img] Step 3. 入到去揀Get App。之後會彈出如圖的畫面。揀Create new account建立新戶口。記住入一個之前未用過的電郵地址。 [img]//timgm.eprice.com.hk/hk/mobile/img/2008-11/04/20067/stevenfoo_2_3da2ae2467ab1c60ceb3b6ae26767211.jpg[/img] Step 4. 禁完同意條款,打左login name 之後,就會見到如圖畫面。佢會叫你入credit card,但唔好入,揀none。若果見唔到none,請重覆第一至第三步。 [img]//timgm.eprice.com.hk/hk/mobile/img/2008-11/04/20067/stevenfoo_2_0f6af7756d10fc64f8b2e5ccfd29b545.jpg[/img] Step 5. 完成埋其餘的資料,點入美國地址和電話?我相信大家咁聰明應該識既。最後開你的電郵信箱check番核證電郵。 Step 6. 之後睇下download左Google Earth未。若未就去美國Store揀番下載,記住入番你剛才新增的戶口資料。 Step 7. 同步iPhone之後應該安裝成功。而家可以log out番你新增的美國iTunes戶口,log-in用番你最初係香港開的iTunes戶口就可以了! 記住之後下載新程式,都要用番你原先用開的香港iTunes戶口,若果唔係設定和更新亂曬就不好了。只要在出現像Google Earth只有美國才有的情況下,才使用新的美國iTunes戶口登入。 有網站有另外的方法,同樣可在無需信用卡的情況下,開到新的iTunes戶口,[url=//www.winandmac.com/tips/free-itunes-account-no-matter-where-you-live/]有興趣可按此[/url],[url=//www.winandmac.com/tips/create-free-itunes-account-no-matter-where-you-live-without-using-redeem-code/]或者呢度[/url]。同樣開完戶口download完google earth後,同步至iPhone後再log out美國戶口,再login用番香港戶口就得。

最新新聞