拍得住 iPhone 6! 4 吋新 iPhone 規格曝光,預料 3 月發佈

左定坤 (Cho Ting Kwan) 2016-01-25 16:42 | Apple
一直都有傳聞指出,Apple 將會再推出一款 4 吋芒的 iPhone,一開始網民估計新的 4 吋 iPhone 會同 iPhone 5 系列一樣,會叫做 iPhone 6c,但後來有消息指出,新的 4 吋 iPhone 將會叫做 iPhone 5e,是 iPhone 5s 的升級版。不過最新傳聞顯示,呢部 Apple 的 4 吋新機,將會叫做 iPhone 5se 先啱。不過唔理佢叫咩名都好,網友最關心的應該都係手機的配置,而呢部 iPhone 5se 雖然只是 iPhone 5s 的升級版,但有外媒指出,呢部 iPhone 5se 的配置能夠拍得住 iPhone 6。

//timgm.eprice.com.hk/hk/mobile/img/2016-01/25/204463/prince1025_1_4544_1066223624c61b86cb010a4d0df3b5a9.jpg

iPhone 5se 的「se」代表啲乜呢? 目前黎講有兩種講法,第一種講法係「Special Edition」,即是特別版的意思。而另一種講法係,「e」代表「Enhanced」,即是 iPhone 5s 的加強版。雖然話就話呢部 iPhone 5se 係 iPhone 5s 的升級版,不過其實佢同 iPhone 5s 相比,存在着一些明顯的差別。外觀方面,iPhone 5se 採用左 iPhone 6 以及 iPhone 6s 系列的 2.5D 屏幕,而且好似 iPhone 6s 咁,擁有玫瑰金的顏色選擇。對於果迷,特別是女果迷黎講,呢個都可以話係一個好消息。

//timgm.eprice.com.hk/hk/mobile/img/2016-01/25/204463/prince1025_1_4544_7f2e0634cc68b2f114b0ac4a9861c5fa.jpg
▲ 同 iPhone 6s 系列一樣,iPhone 5se 有傳都會有銀、太空灰、金以及玫瑰金四種顏色選擇。

在配置方面,iPhone 5se 有傳會同 iPhone 6 一樣,採用 800 萬像素主鏡頭以及 120 萬像素前置鏡頭,另外仲支持更大的全景拍攝,而且在視頻拍攝的過程中,能夠支持自動對焦。不但如此,iPhone 5se 更支持 iPhone 6s 的 Live Photos 拍攝,呢個係 iPhone 6 沒有的功能。同 iPhone 6 一樣,iPhone 5se 配備了 A8 晶片以及 M8 動作感應協同處理器,而版主之前亦同大家分享過,新的 4 吋 iPhone 將會比 iPhone 5s 多左個 Apple Pay,所以 iPhone 5se 亦會新增 NFC 功能,並支持 Bluetooth 4.2、VoLTE 以及 802.11ac Wi-Fi。

雖然 iPhone 5se 同 iPhone 6s 一樣,同樣可以進行 Live Photos 拍攝,不過 iPhone 5se 就無支持 3D Touch,而呢點亦都可以同 iPhone 6s 區分。Apple 希望,如果網友仲用緊 iPhone 5 或之前的 iPhone,可以考慮轉用呢部 iPhone 5se,而呢部 iPhone 5se 亦將會取代 iPhone 5s,換句話說 iPhone 5s 即將會停產,預計將會在 3 月發佈,並在三月尾或者四月頭開賣。唔知大家對於呢部 iPhone 5s 的升級版、擁有 4 吋細芒的 iPhone 5se 有無興趣呢? 用緊 iPhone 5 或之前型號的網友,你地會唔會考慮轉用呢部 iPhone 5se 呢? 

來源:9to5mac

最新新聞