主題:低處未算低!原來紅色 iPhone 網店買 仲平 + 免運費

ePrice HK
  • 發表時間:2018-09-07 16:01 收錄檢舉
    早幾日版主就講,我尋覓已久的紅色 iPhone,突然在 csl. 平價現身,而版主當時仲問過旺角分店,店員同我 check 過電腦話仲有少量貨,怪我想買但太猶疑,收工狗衝打算去買,卻同我講已經被人 Hold 住,實在令我感到很失望。而想不到剛剛有朋友教咗我一個方法,可以用更低的價錢,入手呢部 256GB 紅色 iPhone,版主得知後不再猶疑,唔理三七廿一,敗咗再講。想知點買,睇下文啦!

    低處未算低!原來紅色 iPhone 網店買 仲平 + 免運費

    版主很明白,一定會有網友認為,四千幾買舊代 iPhone 7,唔抵。但,可能正正因為,這就是愛呀!點解明明 iPhone 8 都有紅色,點解明明我有 iPhone X 用,但我都堅持係買 iPhone 7 呢?

    唔揀 iPhone 8 原因:雖然都係有紅色,但玻璃面顯得很奇怪,講紅色都係 iPhone 7 果種靚啲,再加上 iPhone 8 同 iPhone 7 相比,升級不是太多,而我又無話一定要用無線充電,所以就算平時問我,我都會答網友買返 iPhone 7 好過 iPhone 8,除非你唔志在果少少錢。

    唔揀 iPhone X 原因:Size 問題,版主天生手細,雖然 iPhone X 機身唔算大,但實際上還是 iPhone 7 個 size 啱我多啲。而仲有第二個考慮,就係無 Touch ID,呢樣用耐咗之後會覺得,唔方便。

    上次返去 csl. 買唔到,已經令版主很失望,剛巧有朋友問我,買到未,我話未,然後佢就教我 download 一隻叫 Habbitzz 嘅 App (呢隻 App 係由 PCCW 推出的網購平台),居然入面搵到,iPhone 7 256GB 紅色賣緊 $4700,比起上次同大家講的價錢更低。仲有仲有,如果俾錢嘅時候輸入返「HKD100OFF」的優惠碼,仲可以減多 $100,即 $4600,而且仲有得免埋運費添!加加埋埋即係劈咗 $1888,叫做因禍得福,又買到自己的愛機吧?(就當是出糧獎勵一次自己,任性一次吧~表情 #4

    低處未算低!原來紅色 iPhone 網店買 仲平 + 免運費

    當然,你唔一定要跟版主一樣覺得抵,因為講真 iPhone 本身真係唔平,但版主搵咗好耐,經過多番格價之後,覺得呢個價係值得考慮下......假如你唔要求追新款的話。都係果句啦,鍾意嘅就會覺得抵,唔鐘意嘅佢劈幾多,都會覺得係一件電子垃圾。你又點睇呢?

    (順帶一提,App 入面的客服很幫到手,而且很有禮貌,抵讚)
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁