平鬥網絡商!$168 有 22GB 數據!買 iPhone XS Max 即劈二千?

左定坤 (Cho Ting Kwan) 2018-12-05 16:53 | Apple
成日講來講去,都係講 Android 手機機減價,而講得最多係 LG 同 Sony,真係你睇嘅唔悶,我自己寫都覺悶。所以版主今次決定,唔講 Android 機,改為講下 iPhone 劈價。今次將 iPhone 減價的是一間網絡商,將 iPhone XS Max 劈價二千之多,真係早買早享受,遲買平唔止幾舊。想知詳情,看下文啦!

聯通(Facebook).jpg

今次要說的網絡商是中國聯通,近日推出了一個聖誕限時優惠,由即日起至 12 月 31 日,用 AEON 信用卡繳付月費,即可以 $150 月費享 22GB 本地數據,用唔哂的數據可以留返下個月用,同時會再送每月 1GB 的週末內地數據。另外,上台買 iPhone XS Max 的話,更可慳返 $2012,不過仔細睇條款,所謂慳 $2012 係指 $1100 的機價折扣,以及毋須選用每個月 $38 的增值服務。

47688552_764480790552388_5021582827980849152_n.jpg

無興趣買 iPhone XS Max 的網友,係咪代表就無辦法 Join 呢個 $168 22GB 數據計劃呢?咁又未必。以下呢個消息,網友參考下好了:是咁的,版主扮顧客身份去旺角某門市查詢,問及係咪一個定要買機先有呢個優惠,店員表示如果你唔想買機但又想上台呢個 Plan,其實都可以,佢去問下老細就得。即係話,其實都唔一定唔買機就唔可以有優惠價,但又要睇下果間聯通嘅職員係咪執到正嚟做,無話一定做到,但有咁嘅可能性。有興趣的網友,可以嘗試向店員套下口風!XD 呢個 Plan 你又覺得抵唔抵呢?留言講下啦!

最新新聞