年年都有新 iPhone 推出，今年遲咗，唔代表無。10 月 23 日，iPhone 12 及 iPhone 12 Pro 首賣，數碼通一如以往係中環 IFC 門市，都有首賣活動。講話動，可以講係媒體嘅影相機會。而第一個買 iPhone 嘅客人，都會亮相，俾大家影下相。今日一樣有。
▲ iPhone 12、iPhone 12 Pro 於今日 （23／10） 開售。SmarTone IFC門市提早開門，八點開賣新 iPhone，事前門市工作人員齊齊 Yeah 下先。
▲ 首位買 iPhone 12 Pro 嘅曾先生為 SmarTone 長期客戶，每年都會到 SmarTone 購買新一代 iPhone，年年都會見下人，影下相。今年大家戴口罩，影唔到佢嗰樣。佢買咗 iPhone 12 Pro 256GB（太平洋藍色）。
▲ 另一位顧客陳先生，為家人購入兩部 iPhone 12，為答謝首兩位顧客對SmarTone的支持，兩位顧客亦獲贈 iPhone12 精選配件套裝，包括手機保護殼、屏幕保護貼和精選手機配件（價值$388）。
▲ 中環 IFC 蘋果專門店，今日當然有賣 iPhone 12 系列。