)。你估有無可能執得返少少呢？可惜，我份人本來就唔係好夠運，咁多年嚟第一次買，而家好似 feel 到奶奶地嘢，點解咁講？內文同你探討一下。
點解我自己今次買咗 iPhone 12 Pro Max，但覺得奶奶地野，有少少燶味呢？
原因有二：
1) 其實尋日買果陣，都已經 feel 到好似幾多貨，自己已經淆淆地，後尾見到送貨日期慢慢推後，先有少少自我感覺良好返，但都係驚驚地。
2) csl. Club Like 都有得預訂仲要平 $500，而且各版本都係 11 月 13 日開始送貨 / 自取，到而家都仲有貨。雖然又咁諗，可能 csl. / 其他網絡商，可能本身都會有一批貨賣畀真用家，條件就係收貨果陣會同你開埋封，成部嘢已經變咗唔值錢。若果無開封嘅話，可能都仲有少少可以執下嘅 (自我安慰)。
雖然尋晚見到都好似唔係少貨，但有先達店舖仍然堅信係有得炒，至少賺 $1500，但實際到 11 月 13 日當日，係咪真係咁理想？我自己都有點懷疑。
BTW，版主一共訂咗兩部 512GB iPhone 12 Pro Max 太平洋藍色，一部係 13 號中午直接去 Apple Store 自取，另一部因為當時心急造成失誤，只能在 13-17 呢個期間等佢送貨。呢一刻，到底我應該 Cut 單好？定係照收貨碰下運氣好呢？網友又畀啲意見我啦～
